Mamallakta Tantanakuypak No. 810 Niki rimanakuyman, kay awkarik 15 punchapak kayachishkapimi, Sofía Almeida Fuentes, David Rosero, Juan Dávalos, Graciela Estupiñán, María Fernanda Rivadeneira, Francisco Bravo shinallatak Hernán Ulloa, Consejo de Participación Ciudadana y Control Social (CPCCS) kunank runakunata ñawinchinapak mañashkata yuyaypaktarinkakuna, kay mañaytaka Ley Orgánica de la Función Legislativa kamachiypak 142 niki puchukay killkata rikushpami paktankakuna.
Kallaripika, Mamallakta Tantanakuy Juan Carlos Larrea runata, Procurador General del Estado tantanakuy pushana llamkaypi kallarichinka, paymi CPCCS tantanakuypak hatun rimanakuypi chusku watata llamkankapak akllashka kashka, shinami 235 niki killka Mamakamachiypi rikuchishka kan.
Kipaka, kamachi killkakkunaka shuk yuyarinakushka killkatami kay 21 puncha pawkar killkata "Pawkar raymi" Kawsay kutin wiñariy shinallatak sisay killa nishpa shutichinapak; 21 puncha raymi killata "Inti Raymi" Intipak raymi shinallatak achik puncha nishpa shutichinapak; 21 puncha kuski killata "kulla Raymi" Allapa mamapak kawsay shinallatak warmi puncha nishpa shutichinapak; shinallatak, 21 puncha kapak killkata "Kapak Raymi" llaktapi wiñarinapak pachakunata shutichinapak.
Kay rimanakuypika María Gabriela Punín y María José Valarezo runakunaman mushuk yuyay mashkaypi llamkashkamanta Mamallakta Tantanakuy unanchata charanapak churashka kan.
Puchukaypika, Mamallakta Tantanakuypi Leyes para la Defensa y Garantía de los Derechos Individuales y Colectivos de los Trabajadores kamachiy mushukyachinapak tawka kamachiykunata mushukyachinapak killkata ishkay niki rimanakuypi riksinkakuna, kay llamkayka Derecho al Trabajo y la Seguridad Social Minkarishkapi allichishka killkapi kimirishpami paktarinkakuna.
Kay kamachiy rurana killkapika Código de Trabajo kamachiy rikuchinapak churanka, llamkak rurak runapash ashalla pachakunapak minkarishpa sakirishkata riksinapak shinallatak llamkayman shutichishka kipa paktanapak, payka tukuy llamkaykunatami shuk pushakpak ukupi llamkankapak, tukuy mutsushkata paktashka kipa, pushak ashalla pachapak nakashpaka wiñay pachapakpash illakpi. Shinallatak killa llamkaykullkitaka minkarishka llamkay punchamanta sakirichun chaskinapak mañan.
RSA/pv/cg-k
