Mamallakta Tantanakuy, 84 ari apushitaywan, kay Consejo de Participación Ciudadana y Control Social (CPCCS) tantanakuypi Hernán Ulloa, Graciela Ibeth Estupiñán, María Fernanda Rivadeneira shinallatak Francisco Bravo Macías kunak runakunata ñawinchinapak kayachin, llamkayta mana paktarishkamanta, kay Ley Orgánica de la Función Legislativa (LOFL) kamachiypak 142 niki puchukay millka killkapi rikuchishkata paktarishpa.
Ñawinchiy paktanapak tukuy riksinakunata charishpa tantachishpami yuyaypaktarishka, llaktay ñawinchinapak Ángel Maita shinallatak Mireya Pazmiño kamachiy killkakkuna mañashkapi shinallatak huchachiy riksichishkapash willakun.
Yuyarinakushka killkata Mireya Pazmiño kamachi killkak chayachishkatami Mamallakta Tantanakuyta pushak kay LOFL kamachiypak 83 niki killkapi churashkata katichun mañarka, shinallatak Tukuy Killkakamayukmanpash Hernán Ulloa, Graciela Ibeth Estupiñán, María Fernanda Rivadeneira shinallatak Francisco Bravo Macías runakunaman yuyarinakushka killkata chayachichun mañarka,
Rimanakuy
Rimanakuypika tawka wankurimanta 15 kamachi killkakkunami rimarkakuna. Tawkakunaka LOFL kamachiypak 142 niki puchukay millka killkapi paktachina rikurishkatami riksichirkakuna, kaypika Mamallakta Tantanakuymi ñawinchiyta paktay ushanka ninmi, shuk chikanyashka minkarishka llamkaywillayta mana pakta chayachikpika.
Chashnallatak, llaktay ñawinchiyman chayachishka chusku kunak runakunata wanachishpa llamkaymanta llukshichikpika, 2021 watapi llaktayukkuna kipa kunaktashina akllashka runakunami llamkaypi yaykunka, mashna apushitay charishkata rikurashpa.
EG/pv/cg-k
Ashtawan Shuyukuna:
