Mamallakta Tantanakuypak Salón José Mejía Lequerica wasi ukupimi, ‘Estrategias Europeas en el Ámbito de Seguridad Ciudadana’ Rimayachay paktarka, kaywanka Mamallakta Tantanakuymi Universidad Internacional de la Rioja (Unir) Sumak Yachana Wasiwan makipurashpa ñawpakman pushakun, kay rimanakuypika istallaktamanta yachak ayllukunami pushay llaktayta Ecuador llaktapi, allpapachapipash llakita chimpapuranapak rimanakurkakuna.
Mamallakta Tantanakuyta pushak, Virgilio Saquicela Espinoza kamachi killkak, kay yachaykunaka ñukanchik llaktapi llakikunata wakllichiykunatapash chimpapuranapak yachayta hillaytapash charinapakmi yanapanka, nirkami.
Paymantaka, Ana Frontela, country manager de Unir amawta, yachachik wasikuna llaktakunapak llakikunapi kimirina shinallatak allichinata mashkaypipash paktarina may allimi kan, nirka.
Kallaripi yachaytaka Ángela Casals, doctora Istallakta Kamayta yachakmi, España llaktapi wichkana wasikunata shullakchishpa mushuk yachay mashkanapak paktashkata shinallatak wichkashka kawsakuk ayllukuna kutinpash llakta kawsayman tikranapak llamkaymanta rimarirka. "Llaktayukka alli llamkaytami mañan. Mamallaktami llakichik ayllukuna kutinpash alli kanata paktana shinallatak llakichiytapash ashayachina", nirkami.
Alfredo Rodríguez Gómez, Istallakta willachiyta yachak, llakichiyka tukuy allpapachapimi mirashka shinallatak allpapachatami llakichina rikurin, shinapash llaktakunapimi hampinapi, llamkay wiñachinapi, yachaypi, shuktak mutsurishkapipash yanapana kan. Llakta yanapayka ayllukunapak chayana, kikun mutsurishkata riksishpa, kasiklla kawsayta sinchiyachinapak, llaktayukkanatapash kikinyachishpa.
Juan Enrique Soto yachak, psicólogo shinallatak kay Sección de Análisis de Conducta en Policía Nacional de España llikata wiñachik, llakichiyka kullkillamkay, llakta kawsay shinallatak pachamama rikuykunamanta mirashkami chayamantami tukuy llaktayukkuna chaypikana mutsurin. Llaktamanta hayñikunata shinallatak kacharishpa rimanata ukllanapak llamkay kallarichishka ukllanka, llaktapura makipurayta alliyachinka, pakta llakichiytapash imamanta rikurishkata riksinka mana llakichishkallata rikushpa, harkanata kallaripi churashpa, chaypakka llakta pushakkuna, llaktayukkunapashmi kimirina kan; ashtawanka, kitikunapi kasilla kawsanapak llaktayta riksichinatapash yachachirka.
Puchukaypika, Agustina Vinagre González, warmikuna yachaypi kamak, llaktayuk kasiklla kawsanapai shuk yanapayka, llakichishkata ayllukunata ukllanami kan, kashna kikinyachishkawanka llakichishkata huchachiy ushan shinallatak pakta yanapashka chayanapash mana llakishpa shuyanka.
BG/pv/cg-k
