Mamallakta Tantanakuy kay No. 819 niki rimanakuypi, Esther Cuesta kamachi killkak, Grupo Parlamentario por los Derechos de las Personas en Movilidad Humana Wankurimanta, Ecuador llakta ayllukuna istallaktamanta mamallaktapak llamkaykullkiwan, kawsaytarpuywan, ayllukuna kawsaywanpash yanapashkamanta riksirini nirka.
Kamachiy killkak nirkami, istallaktamanta kullkita yachachishpa llakta kullkillamkaytami yanaparka chaymantami Ecuador llaktapak ishkayniki llamkaykullkiman paktarirka, watapika 4.500 hunu yalli dólar kullkiwanmi yanapashka.
Paykunapak kawsaypi alliyanapak munaywan sinchi llaki llamkaykunapimi paktarishkakuna, llakta saywakunata kari warmi wawakunawan, wamrakunawanpash yallishpa, kay puchukay punchakunaka ashtawanmi mirashka.
Ashtawanka, 1960 watanmantami Ecuador llakta ayllukunaka istallaktaman rishkakuna, punkara chani urmashkamanta, kipaka 1999 wata llaktakullki wakllirishkamanta shinallatak puchukaypika "Llaktapak llaktaykuna shinallatak Llakta Pushakpak kullkillamkay illashkamanta" kaykunami Ecuador llaktapak mushuk paktaykunata wakllichishka chaymantami istallaktaman riskakuna.
Kay rimanakuypika, Juan Fernando Flores, Salvador Quishpe kamachi killkakkunaka istallaktapi kawsakuk ayllukunaka llaktapak yanapayta achkatami chayachin, shinallatak chaymantami llaktaykuna shinallatak kay ayllukunata yanapak kamachiyta riksirinkuna.
Flores kamachi killkakka kayachishakta unanchashkata yallika, istallaktaman purikuk ayllukunaka paykunata yanapak kamachiytami mutsun, ninmi.
Quispe kamachi killkak, paymantaka, runa ayllukuna kay llaktapi pakta yanapayta mana chaskishpami llakta saywata yallishpa llukshinkuna, nirkami.
Gustavo Mateus, kay Grupo Parlamentario por los Derechos de la Personas en Movilidad Humana wankuripak killkakamayukka, istallaktaman llukshik ayllukunata paykunapak sinchi munaymanta karishkata riksina may alli kashkamanta yupaychani nirka, paykunami llakta wiñaykawsaypak kullkillamkaypi yanapak, llaktata ñawpakman pushanapak.
Pierina Correa kamachi killkakka Ecuador llakta ayllukuna istallaktapi wakllirinalla kawsaypi kashkata rikunami kan ashtawankari purikushpa llakikuna rikurishkamanta. "Runakuna wakllichikpak makipi urmashka; wakinpika kari warmi wawakuna, wamrakunapash paykunalla sakirin", n
Mauricio Zambrano kamachi killkak, América Latina, el Caribe y África suyu llaktamanta akllashka, Istallaktamanta kullkita chayachishka ancha mutsurishkami kan, kay "llaktapi ishkayniki kullki chayachinami kan", ninmi.
Puchukaypika, mañashkata tukuykunami arinirkakuna. 131 ari apushitaywanmi waylla achikta kullkiwan, kawsaytarpuywan, llaktayuktapash yanapan nishpa riksinapak kurkakuna shinallatak Mamallakta Tantanakuypak Salón José Mejía Lequerica, wasi ukupi shuk unanchata chayachichun mañashkata yalli, nin.
KC/pv/cg-k
