Kunanpi Mamallakta Tantanakuyta pushakukkunapak hatun llamkayka yachachikkuna mutsushkapi yanapanami karka. Chaymantami, Kay Ley Orgánica de Educación Intercultural kamachiy mushukyachinata kallari llamkaypi churashpa Kipu Kamaypi riksichirka, kay kamachiyka 160 waranka yalli yachachikkunatami yanapanka.
Kay kamachiyka, 28 puncha sitwa killa 2022 watami paktarinaman yaykurka, yachaypi llamkak tawka tantanakuykuna makipurashpa llamkashpami Mamallakta Tantanakuy, llakta pushakkuna, shukllapak llamkakkunapash tawka wankuri rimanakuypi, yachaykunapi kay kamachiyta mushukyachina kallarishkawan yuyaypaktarirkakuna.
Killa llamkaykullkipash paykuna yachaywan llamkashkamanta paktami kanka, chaypakka yachashkata, yachaykatishkata, llamkashkata, yachaywan paktarishkata, llamkay pushashkata, yachaypi riksishkatapashmi rikuranka. Yachachikkunapak killakullkika kay Escala de Remuneraciones Unificadas del Sector Público kamachiywan paktarishkami kanka.
Yachachikkunapak killakullkika kay llaktapi llamkakunawan paktarmi kanka, chaypakka llamkay patakunatami A, ashtawan hatun kanka, kayka llaktapak llamkakkunawan chimpapurakpika 9 pataman paktaymanta, J ashtawan uriman; chayka llaktapak llamkak 1 patawan paktanka.
PV/cg-k
