Mamallakta Tantanakuyta pushak, Virgilio Saquicela, Mamallakta Tantanakuy llaktapi llakikunata chimpapuranapak shinallatak kasiklla kawsay allichinapak llamkakushkata riksichirka, chaymantami kay kullka puncha ishkayniki rimanakuypi Kamachiy rurana killkata riksinkakuna kay kamachiyka tawka kamachiykunatami llaktapak llamkaywasita sinchiyachinkapak shinallatak kasiklla kawsay tiyachunpash yanapanka, chaypakka llakikunata chimpapuranapak shinallatak wichka ayllukuna alliman tikrachunpash mamakamachiyta paktashpa yanapachun mañan, ninmi.
Kay kamachiy rurana killkata Llakta pushakwan, wankurishka llamkay kallaripi yuyaypaktarishkata yuyachirka, kaypika vacuna llakichiykunatapash rikurka, kayka wakllichishpa llakichiymi, kay llakimantaka ashtawan sinchi wanachiyta chayachina ninmi.
Pushak Virgilio Saquicela kamachi killkakka Kamachiy Awllipak samay puchukashka kipallatakmi Hatun rimanakuyman kayachirkanchik, kay kullka puncha kay hunkaypi shinallatak puchukay kanchik killapika Mamallakta Tantanakuyka 28 kamachiykunatami arinirkakuna.
Shinallatak kay Ley de Educación Superior Kamachiypipash llamkarkanchik, tawka tantanakuykuna, sumak yachana wasikuna, Llakta pushak, Mamallakta Tantanakuykunapashmi kamachiy rurana killkata chayachirkakuna; Ashtawanka kay 047 kamachiyta shuktak kamachiytapash mushukyachina, Llakta pushak mamakamachiy mushukyachinapak mañashkatapash kimichishpa.
Superintendente de Bancos
Kay Superintendente de Bancos pushakta llamkaypi kallarichishkata willachik antakunamanta tapukpika, Ecuador llaktapi kamachiyta sumaychakmi kani nirka shinallatak kamak Ángel Lindao, La Concordia llaktamanta, llakiyachikmi chaymantami Fiscalía tantanakuy ishkay yuyarinakushka killkawan, mañay paktarikuk ukupi, kamak pakta llamkay charishkata riksichinka, nin.
Shinallatak, mamakamachiy rikuchishkata katishpa shuk yuyarinakushkami paktachinapak tiyarka, chaywanmi Mamallakta Tantakuyta Superintendente de Bancos tantanakuy pushakta llamkaypi kallarichinapak kayachirkanchik, shinapash cuórum pakta mana tiyarkachu, nin.
Shinatallak sentencia yuyarinakushka killkata achikyachinapak mañaytami chayachirkanchik, kay chaska puncha shinallatak awaki punchami kachashka kanka, chaypachallatakmi kutin mañayta chayachinka kay killkata Corte Provincial de Santo Domingo de los Tsáchilas riksishka kachun, paykunami llaktapak llamkaywasikuna paktarinata kutin chayachinka shinallatak paktarikushkatapash tukuy anchuchinka.
Puchukaypika, Virgilio Saquicela kamachi killkak runaka Corte Constitucional tantanakuy yuyaypaktarishkatami rimarka paykunami Consejo de Participación Ciudadana tantanakuypi rimarikunata llamkaymanta llukshichinapak mañashkamanta shinallatak Consejo de la Judicatura tantanakuyta pushakta shutichinapak sentencia yuyarinakushka killka paktachishkata willachun.
RSA/pv/cg.k
Ashtawan shuyukuna:
