120 kamachi killkakkuna arinishkawanmi Mamallakta Tantanakuyka kay Ley Orgánica contra la Trata de Personas y Tráfico Ilícito de Migrantes kamachiyta arinirkakuna, kay kamachiywanka kay llakipi urmashka ayllukunata ukllankapak, kuyuchiykunata, paktariykunata shinalaltak llaktamanta rikuykunatapash pakachishpa yanapankapakmi kan.
Kay No. 825 niki rimanakuy 8 puncha kapak killa 2022 wata paktarishkapi, kamachiy rurana killka tawka rikuytami tarirka, chaymantami Relaciones Internacionales Minkarishkaman yuyaykunata tantachichun tikrachishka. Juan Fernando Flores kamachi killkak, Minkarishkata pushak, mushukyachishka killkapika Ley Orgánica de Movilidad Humana y Ley de Servicio Consular kamawanchiywan paktarishkami.
Mushukyachiypika Ecuador ayllukuna kay llaktapi shinallatak istallaktapipash kakpi yanapanapakmi, llaktakuna hayachishka kakpi shinalaltak istallakta ayllukunapash kay llaktapi kimirichunkuna.
Llaktapak llaktayta runakunapak hayñita rikunapak pushanata shinallatak sinchiyachinatapash rikuchin, chaymantami Comité Interinstitucional de Coordinación para la Prevención de Trata de Personas y Tráfico Ilícito de Migrantes y Protección a sus Víctimas pushanka.
Rikurishkata tantachik llikata churanka, shinami mutsushka willaykunata harkanapak llaktaykunata, ukllanata, chaypikanata shinallatak taripanatapash yanapachun tantachinka; shinallatak, runa ayllikunata kikin kawsaypi a wakllichichun harkanapak willachiytapash kallarichinka.
Shamuk punchakunapimi Mamallakta Tantanakuy Llakta pushakman arinishka killkata chayachinka, rikukushpa arinichun allichinaman kachachunpash.
BG/pv/cg-k
