120 ari apushitaywanmi, Mamallakta Tantanakuyka Transparencia, Participación Ciudadana y Control Social Minkarishkapi allichishka llamkaywillayta hapirka, kay VIII Censo Nacional de Población, VII de Vivienda y I de Comunidades, Lanuy paktashka ñawinchiypi, kaypika willaykunata alli apanata, yachaykuna mana pakta kashkata shinallatak kay llamkay achka kullkipi paktarishktami rikunapak riksichin.
Yuyarinakushka killkapika Contraloría General del Estado tantanakuy Roberto Castillo, kay Instituto Nacional de Estadística y Censos (INEC) tantanakuy pushak llamkashkata ñawinchiy katichunmi mañan, kaypika llamkayman kayachiypi, shuyu mushukyachiypi, yachachiypi, shutiriypi, willaypi, kasiklla kaypi, shuktakunapipash kay Censo Nacional 2022 Lanu llamkay paktashkata riksinkapak, shinallatak Lanuy paktanapak mashna kullki paktarishkata riksinapak kaypi tarishka yupaykunata Transparencia Minkarishkaman riksichun chayachinka.
Mamallakta Tantanakuyka Transparencia Minkarishka, tukuy llamkaykuna puchukashka kipa, tukuy llamkay tukutinkama shinallatak shamuk rikuna tantarikunapiapsh paktarikushkta riksinapak kay Censo Nacional paktashka ñawinchiywan katichunmi shutichirka,
Chayshinallatak, Ministerio de Trabajo Tantanakuyta allichinapak rikuchun mañan, llamkashka kullkita, kamachiy rikuchishka yanapaykunata shinallatak INEC tantanakuy yuyarinakushk tukuy llankakkunaman, shinallatak Lanu paktaypi llamkakmanpash chayachishkata yachankapak.
Shinallatak, INEC tantanakuytapash Lanuy 2023 watakama yallikpi imashinalla paktarinata rikuchun mañan, kayta shustarinami rikurin, llamkanapak kullki shinallatak imalla ruraykunawan chimpapuranapash illakmi kan, shinallatak llamkay paktanata mana alli rikushkamanta tukuy taripash willaykuna, ayllukunata yupaykunapash mana alli paktarinamanta, kashna llakikunaka llaktapak llaktaykunata ruranapak churanapakmi llakichinka.
Ferdinan Álvarez, Minkarishkata pushakka Lanu llamkayta ñawinchiyna tukuy paktarishkata riksichirka, rikurishka llakikunata alichina yuyashpalla kayshina taripay kallarinapak mañayta riksichishkanchik, kayshina mana pakta llamkashkawan, kullki llamkay mana pakta rikuchishka kan shinallatak shuktak llaktakunapi lanu paktarishkapash kullki paktayka ashtawan yallimi rikurin, nirka.
Sukta kamachi killkakuna rimarishpa kayshina llakikuna tiyashkata rimarkakuna, shinallatak lanu willayta tantachishpa llamkakkunapak kasi kawsaypash illan nirka, shuktak llakikuna, llikapankapi killkarinapak shutichaskikpash urmarka, kayshina llakikunaka kay Ecuador llaktapi mashna ayllukuna pikunalla kawsashka willaymi mana pakta tantarishka, nirkami.
EG/pv/cg.k
Ashtawan shuyukuna:
