94 kamachi killkakkuna arinishkawanmi, Mamallakta Tantanakuyka Especializada Ocasional por la Verdad, Justicia y la Lucha contra la Corrupción Minkarishkata wiñachirka, paykunami “El Gran Padrino” huchachishkata taripankakuna, kay willaytaka La Posta llikapankapimi willachirka, kaypika llaktapak llamkawasikunapi llakikuna tiyashka nishpa huchachishkata riksichirka.
Kay Minkarishkapika kanchis kamachi killkakkunami kimirin, tawka llaktay tantanakuykunamanta: Pedro Zapata (PSC), Diego Esparza (independiente), Rodrigo Fajardo (ID), Mireya Pazmiño (PK), Viviana Veloz (Unes), Gruber Zambrano (BAN); y, Augusto Guamán (independiente) paykunami shuk llamkaywillaypi tukuy riksishkata tantachishpa Mamallakta Tantanakuy riksishpa yuyaypaktarichun chayachinka.
Yeseña Guamaní kamachi killkak, yuyarinakushka killkata arinichun mañak, kullkita pakalla tukuchiyka Ecuador llaktatami chinkachinka, chaymantami "Mamallakta Tantanakuy ñawinchina paktarinapak charishkata ushashpa tukuy llaktapi llakikuna rikurishka anchata sushtachin" ninmi.
Rimanakuypika 21 kamachi killkakunami rimarirka, paykunaka pakta shinallatak achiklla yuyaypaktarinakuna kashkata riksinapak taripay tiyana kan nirka, kay yuyarinakushka killkakuna llaktapak llamkaywasikunapi pakta kashkata riksinkapak shinallatak maypi llakikuna tiyakpipash mayhan rikuna charishkata riksinkapak.
Kay llikapanka willachiypi huchachishkakunamanta Llakta pushak mana utkashpa kutichishkata rimarirkakuna shinallatak kay llakikuna rikurikpi, kullki llamkay chinkarishka kakpika hunu hunu kullkimi llaktapak chinkarishka kanka nirkami.
Minkashkakunaka 30 punchakuna ukupimi Mamallakta Tantanakuyman shuk llamkaywillayta chayachinkakuna.
BG/pv/cg-k
