Kay Javier Loyola kitilli, Azogues Markapimi, kitillipi tantarishka ayllukunawan, Mamallakta Tantanakuyta pushak, Virgilio Saquicela Espinoza, Consejo Nacional de Gobiernos Parroquiales Rurales del Ecuador (Conagopare) tantanakuyta pushak, Lorena Brito warmiman, llamkay kullkita Zirma mintalashkamanta (Ley 047) Azuay, Cañar, Morona Santiago, Tungurahua markakunaman chayachik kamachiyta kurka, kay kamachiytaka Mamallakta Tantanakuymi 12 puncha kulla killa 2023 watapi tukuy kamachi killkakkuna arinirka.
Kamachiy killkawanka Chikanyashpa kikinmanta pushakkuna (GAD) yanaparinkuna, ashtawankarin kitilli pushakkuna, paykunamanmi kay Paute, Pucará, Agoyán Zirma wiñachik llamkay wasikunamanta llukshishka kullkita chayachinka, kay kullkiwanka paykuna paktarishkapi llakta sinchiyanapakmi llamkankakuna.
Mamallakta Tantanakuyta pushak, Virgilio Saquicela runaka llaktapi mutsushkata yanapachunmi kamachiykunata allichishpa llamkakunchik shinallatak llamkashpa katishunmi kayshina paktanapak kullki chayachinapak, Ecuador llaktapi kawsak ayllukunapash llaktapi llamkashkawan yanaparichun, nirkami.
Ka kamachiyka Ministerio de Finanzas Tantanakuytami puchukay 8 watakunapi sakirishka kullki chayachinata yupachunmi rikuchin, kimsa markakunaman pakta rakinapak. GAD markakunapi, kitikunapipash pushakkunata runa ayllu llaktapi llamkay ashtawan paktarichunmi kayachirka.
Paymantaka, Lorena Brito, Conagopare Nacional tantanakuyta pushak, runa llakta ayllukunata yanapak kamachiyta arinishkamanta Mamallakta Tantanakuypak llamkayta samincharka. Llamkaykullkita mirachiyka kay llaktakunapi chikanyashka llakikunamanta llukshichinka. "Tukuymantaka 30 hunu dólar kullkitami 133 kitillikunaman Cañar, Azuay, Morona Santiago markakunapi mutushka llamkaykunata rurachun rakishka kanka", nirka.,
Walter Vásconez, Danny Marín shinallatak Leonardo Tigre, kay Conagopare tantanakuyta Cañar, Morona Santiago, Azuay markapi pushakkuna, Mamallakta Tantanakuyta pushak, Virgilio Saquicela kamachi killkakman, yuyaypaktarishpa, yanapashpa, llamkashpa kay marka kitillikuna wiñarichun chayachishkamanta riksirishkata chayachirkakuna. Kay kullkikunaka llaktakuna mutsushkapi yanapanka shinalaltak kaypi wiñaymanta wakcha kawsakkunatapash alli kawsayman chayachinka, nirkami.
Kay rimanakuypika Diana Pesántez, Joel Abad, Blasco Luna kamachi killkakuna chaypi karka, paykunaka Ecuador Austro llaktapak wakcha ayllukunata yanapanapakmi, kay llaktapika 40% zirmami wiñarin, nirkakunami.
BG/pv/cg-k
