Mamallakta Tantanakuy, IEEL tantanakuywan I Congreso Ecuatoriano de Derecho Parlamentario rimanakuyman kayachin

Viernes, 20 de enero del 2023 - 18:39 Imprimir Elaborado por: Sala de prensa

Kamachi awlli shinallatak llaktayukkuna chaypikashkata rimanakunapak shinallatak allita riksinkapak yuyaywanmi, shamuk 27, 28 puncha panchi killa shinallatak 1 puncha pawkar killa kay 2023 wata, Mamallakta Tantanakuy, Instituto Ecuatoriano de Estudios Legislativos (IEEL) tantanakuywan Primer Congreso Ecuatoriano de Derecho Parlamentario hatun rimanakuyta, kay Mamallakta Tantanakuypak wasi uku, Quito llaktapi paktarinka.

Mamallakta Tantanakuypak hatun yuyay; ñawinchiy chapay llaktaypash; llaktayuk chaypikana pashkashpa kamaypash; shinallatak, kamachiykuna paktashkata katin shinataripanapash; kay chusku hatun yuyaytami kay rimanakuypi riksinkakuna kaymanka llaktamanta shinallatak istallaktmanta yachakkunami rimanamana chayamunka.

Kay hatun llamkaypakka, Mamallakta Tantanakuy shinallatak IEEL tantanakuypash kay rimanakunapak chusku yuyaykunapi mañaykunata risichichunmi kayachin, kay mañaytaka info@ieel.org.ec zirmachaskimanmi 17h00 pacha chisi, 3 puncha panchi killa 2023 watakama chayachina kan. Chayachishkamanta akllashka hatun yuyaykunataka kay rimanakuypi riksichinka shinallatak kipamanpash willachishkami kanka.

Mañashka yuyaykunataka katipi churashkata katishpami allichina kan:

Yuyay
Kari warmi killkakpak shuti
Uchukyachishka yuyay
Akllashka shimikuna
Yaykuchikyuyay
Yuyayta pashkashpa killkashka
Tantanachik yuyay
Yanaparishka kamukuna
Pankapak chakipika, killkakpak yachashkata uchikyachishka yuyaypi churana
Killkata 12 pankamanta wichinaman, 25 pankakunata mana yallishpa allichina kan
Killkata Times New Roman, hatun 12 iñu, rakishka 1.5, suchuchishka 1,25 cm
Yanaparishka willayta Normas APA versión 6 kimichishpa churana

BG/pv/cg-k