Kay Corte Nacional de Justicia Tantanakuyta pushak, Iván Saquicela Rodas ruami Mamallakta Tantanakuy pushak, Virgilio Saquicela Espinoza kamachi killkakman Ley Orgánica Reformatoria para Descriminalizar ciertas Infracciones de Tránsito kamachiy mushukyachina killkata chayachirka.
Kay kamachiy rurana killkawanka Kamak wasikunapi kimsakamachikpipash wanachina taripay llamkay achkata mirashkamanta, antawa purinata rikuk tantanakuykunaman riksichin chayachishpa shinallatak chikan llakta pushakkunamanpash kay mañaykunata riksichun yallichishpa.
Kamachiy mushukyachina killkataka Corte Nacional de Justicia tantanakuymi allichishka, ishkay hatun llakikunata allichinapak yuyaywan: Llaktayukpak kawsaypi Wanachina Hayñi kimirishkamanta kaypima mana pakta mutsurishkamanta; shinallatak, wanachina kamakkunapi antawa ñawinchiyta kutin rikuchun mañaykuna achkata mirashkamanta.
Kay Corte Nacional de Justicia tantanakuyta pushakpak rikuypika, kayshina mañaytaka Secretaría Jurídica de la Presidencia de la República, Agencia Nacional de Tránsito y Comisión de Tránsito del Ecuador Tantanakuykunawan makipurashpa rurashkamanta allichishkami kan, nirka.
Paymantaka, Mamallakta Tantanakuyta pushak, Virgilio Saquicela runaka, Llaktapak llamkaywasipura llamkashpa kay antawa purinapi ashalla llakikuna tiyakpi rikunapak allichinapak yuyarishkamanta shinallatak Ecuador llaktayukta yanapanapak munay tiyashkamanta yupaychan.
Imamanta mañay churashka yuyaykunapika wakllirishkata kamak wasi ukupi, kay 2021 wataka antawa purishkata rikukunaka, tukuy ñawinchiymanta 94,66% patsakman chayan shinallatak kay 2019 wataka 95.04% patsakmanmi chayarka, chaykamaka kay wanachinata tukuymanta rikuypika, 2021 watapi, antawa wakllichiymanta 11.621 taripay mañaymi chayarka, kayshina rikuypika 34.66% patsakmi tukuy tantachishka rikurin shinallatak kay wanachina ukumanka antawa wakllichiy rikuyka 115.753 mañaykunami chayarka, tukuymantaka 66,94% patskami mushuk mañaykunami kay pachakuna ukupi chayashka.
ES/pv/cg-k
Ashtawan shuyukuna:
