129 ari apushitaywan, Mamallakta Tantanakuypi Llakta pushak kay Transformación Digital y Audiovisual kamachiy rurana killkata allichinaman kachashkata riksishpa arinirkakuna. Kaywanka, kamachiyka Kipu Kamaypi riksishka willachishka kankapakmi rinka kipaka paktarinaman yaykunka.
Kay kamachiy rurana killkapak llamkaywillayta riksichik, Daysi Yuquilema kamachi killkak, Llakta pushakmi allichinapak kullkillamkaypak utkashpa llamkana nishpa chayachirka, kay kamachiy rurana killkapika Mamallakta Tantanakuymi Llakta pushakwan makipurashpa, kullkillankayta chayachina munaywan, kunanpi paktarinawan ashtawanka mañaykunata ashayachishkawan, shinallatak mushuk llikapankakunata llamkayta wiñachinapak, yachayta, hampinata, shinallatak llamkaytapash sinchiyachinapak munashpa chayachin.
Kay Telecomunicaciones llaktapak llamkak wasika mushuk antanikichikta tukuyman chayachishpa pushanapak, ruranapak shinallatak llaktapak shukllapak yanapaytapash chayachinapak. Llaktapak shukllapak llamkaywasi pushakkunaka llika shuti aspinata churanka shinallatak arininkapash.
Kallari yachana wasikuna, yachana wasikuna shinallatak sumak yachana wasikunapash yachanakunata paktachinami kan, chaymanta shamushpa, Llikapankapi paktarinapak. Shinapash, Sumak yachana wasikunaka 5% llikapankapi yachachiktami charina kan, ninmi.
Kuyurikshuyu charinakunamanta, llaktapak ancha mutsushkami kanka nin. Kay Certificado de Inversión Audiovisual (CINA) iñikta llaktapi llamkakpak wiñachin shinallatak istallaktamanta chayamukpakka 37% patsak chanikunata shinallatak kullki tukuchina Ecuador llaktapi paktakpika chayachinka.
Ashtawanka,llamkanapak charinakunata istallaktamanta apamunapak manu kulli chayachinata kishpichina; Kay llamkaykunamanta killakullkita shinallatak Llaktamanta Kullki llukshichikpi manu kullkita kishpichina; Kay Wata Manukullkita kuyuchikshuyupi llamkashkamanta chanishkamanta; sinallatak, kay Impuesto al Valor Agregado Manu kullkita Servicio de Rentas Internas llamkaywasi arinishka kakpi llikapankapi llamkashkamanta.
Kay kamachiyka Leyes de Telecomunicaciones, Educación Intercultural, Educación Superior, Código de Comercio, Ley de Comercio Electrónico, Firmas Electrónicas y Mensajes de Datos; Ley Notarial, Código Orgánico General de Procesos; Ley de Registro; y, Ley de Compañías kamachiykunatami mushukyachin.
BG/pv/cg-k
