Mamallakta Tantanakuymi Kay Ley de Régimen Jurídico del Derecho al Cuidado Humano Kamachiy rurana killkata kay Derecho al Trabajo Minkarishkaman tikrchun yuyarirkakuna, kaypika 8 punchakuna ukupimi, kay ishkayniki rimanakuypi chayachishka yuyaykunata kimichishpa shuk mushuk llamkaywillay killkata allinkakuna.
Pamela Aguirre kamachi killkak, llamkaywillayta riksichik, kay kamachiy imalla charishkatami rikuchirka, Defensoría del Pueblo tantanakuy chayachishka killkaka, Corte Constitucional tantanakuy yuyarishkatami kutichin, kaypika chichu warmikunapak, shinallatak wawata chuchuchikukpak haynimantami riman. Llaktayuk llamkay hayñi charinata shinallatak kay rikunata charik istallakta llipriwanmi kamayta paktarichin.
Kay kamachiyka llamkakpak hayñikuna sinchiyanata mirachinapak ukllanapakmi kan nirkami, yaya mama llullu wawawan ashtawan sumaychashpa pachakunata kayachunmi rikun, shinallatak wawa irkiyaypash chuchuna pachakunata chunka pichka killaman mirachin shinallatak llamkak mamakunapash llamkayta charishpa katichun yanapan, shuktak ruraykunapashmi kaypi rikushka kan, nirkami.
Llamkak warmikuna paykunapak hayñita sinchiyachinapak kaparinakuyman kayachishkanchik, ashtawankarin tawka paktayman chayana kashkata rikushpa, chichu kashpa mamakanata, llullu wawa chuchuchinata, kallari watakunapi wawata rikuranapak, kaymanmi yachanakuna, llamkanakuna shinallatak wasipi ayllukunawan kawsaypash mirarin, ninmi.
Kamachi killkakka wasi ayllupura kawsaytami llamkay kawsaypak paktarichina mutsurin kayshinata paktanapakka wachak mamakuna, yayakunapash samana, chuchuchina pachata ashtawan charinapak. Killa kullkita mana hapishpa samana pachatapash 9 killamanta 15 killakunakama mirachin; yayakunapak samana pachata 10 punchamanta 15 punchakunakama mirachin; chuchuchina pachatapash 12 killamanta 15 killakama mirachin; shinallatak, kay pachakuna ukupi rikuranapakpash sinchiyachin.
Kay rimanakuypika chusku kamachi killkakkunami rimarka paykunaka ayllukuna wasi ayllukunapash rikuranapak hayñita shinallatak llamkak ayllukunapash rikuranapk, kikinmanta rikuranapak, nakashpaka shuktak ayllupash rikurana hayñi paktanatami rikuchin.
Rimanakuy kallarinapakka, Jorge Villacís, kay Bienestar Universitario ukumanta kasy Universidad Técnica de Machala sumak yachana pushak, 26 niki killkapak yuyaykunata riksichirka shinallatak shukllapak llaktayukpak sumak yachana wasikunapash chuchuchina wasi ukuta charinami kan nirka, kaypi warmi mamakuna ñuñuta llukshichichun, wakichichun shinallata kipaka wasiman apachun, kayshinami wawakuna ama irkiyachunka yanapanka nirka.
Shuk tatki upallay
Rimanakuy kallarina ñawpa shinallatak Fernando Cedeño kamachi killkak mañashkamanta, Mamallakta Tantanakuyka Omar Menéndez, Carlos González runakuna wañushkamanta shuk tatki upallayta mañarka, shukka Puerto Lopez kiti, Manabí markapi pushak akllarnapakmi shutirishka karka.
RSA/pv/cg-k
