Mamallakta Tantanakuyta pushak, Virgilio Saquicela kamachi killkak, No. 844 niki rimanakuyman kay awkarin 14 puncha panchi killa, 10H00 pacha tutamantapak, kaypika exministra de Salud Pública, Ximena Garzón runatami llaktay ñawinchiy kallarinka, hampikuna rantinapi mana pakta llamkashka nishpa huchachishkamanta.
Kay ñawinchiyman kayachik Ricardo Vanegas shinallatak Nathalie Viteri kamachi killkakkunaka, Ministerio de Salud shinallatak Sercop tantanakuy hampikuna rantinapi mana pakta llamkashkamanta, llaktawan yuyarinakunapak Régimen Especial paktarinawanmi hampita chayachikkuna mana alli rikushpa paktakukpi, chuyakana yupay illakpipash arinishka, Arcsa hampikunata shinallata hampina hillaykunatapash chayachina kamaywan mana paktarishpa.
Kay Ley Orgánica de la Función Legislativa (LOFL) kamachiypak 84 niki killkapika, ñawinchik kamachiy killkakunami ishkay pachata tukuy huchachishkata riksichinka. Kipaka llaktapak llamkak awllimi. kimsa pacha ukupi, Mamallakta Tantanakuypi rimanakuyman huchachishkamanta tukuy rikuchiyta chayachinka, tukuy mañashkata riksichishpa shinallatak rikunakllata churashpawanmi tukuy riksinakllata riksichinkakuna.
Kipamanka tukuy riksichikkunami shuk pachawan ukupi kutichinkakuna. Llaktapak Llamka awllika Mamallakta Tantanakuy wasi ukumanta llaktapak llamkakka llukshinka kipamanta Mamallakta Tantanakuyta pushakmi kamachiy awllikuna rimanakuyman kayachinka, kaypika kamachiy killkakkunami 10 tatkikunata rimarinkakuna, shinapash kutintak rimanata mana ushankachu.
Wanachinaman chayanapakka Mamallakta Tantanakuyman tukuy chaypikakkuna ari apushitashkatami chaskina kan, shinami LOFL kamachiypak 85 niki killkapi rikuchin.
JLVN/pv/cg-k
