Mamallakta Tantanakuymi kay kullka puncha Wilman Terán kamak runata kay Consejo de la Judicatura (CJ) tantanakuypi rimarikta llamkaypi kallarichirka, payka yallik 13 puncha panchi killami Consejo de Participación Ciudadana y Control Social (CPCCS) tantanakuy kay Corte Nacional de Justicia (CNJ) tantanakuy kimsa shutikuna chayachishkamanta akllashka karka, chaymantami kay tantanakuyta pushana paktarin.
Mamakamachiyka kay CJ tantanakuyka pichka kamakkunata shinallatak katik kamakkunatapash charinka nin, paykunami 6 watata llamkankakuna. Kay minkarishka ayllukunaka CPCCS tantanakuymi CNJ tantanakuy kimsa shuti chayachishka, paymi pushakkanka, Fiscal General del Estado, Defensor Público, Función Ejecutiva, Mamallakta Tantanakuy chayachishkamana akllashka kanka.
Virgilio Saquicela, Mamallakta Tantanakuyta pushakmi, Wilman Terán runata ñakachiyta chaskishka kipa llamkaypi kallarichirka, payka llaktapaka Mamakamachiy shuktak kamachiy rikuchishkata katishpa llamkanapak arinirka.
Kay CJ tantanakuyta pushakka kay pachakunaka wiñayta yuyarinapakmi kan, shinaka "kay kutinmi shuk kamak runa kallarimanta tukuy paktarinakunapi llamkashka shamushka, kunan Consejo de la Judicatura tantanakuyta pushanaman yaykunapak, shinallatak kay llaktapi pakta kawsayta allichinami mutsurin, nirka.
Paymantaka, Virgilio Saquicela runa, Mamallakta Tantanakuyta pushak, kay llaktapi tukuy paktarina llamkayta allichinami mutsurin nirka, shinallatak tukuy llamkay pushaykuna chikanyanami kan, paykuna kikin llamkaypi mana waktarinkapak, shinallatak kay Función Judicial tantanakuypi llamkakkuna kamay paktanata allichichunkuna kayshina Ecuador llakta ayllukunata pakta yanapankapak, nirka.
FF/pv/cg-k
Ashtawan shuyukuna:
