Mamallakta Tantanakuyka Panamá llaktapi kay chillay puncha shuk antawa wakllirikpi wañushkapak wasi ayllukunawan shuk tatkita upallashpa nanarirkakuna, kay llakipika tawka llaktamanta runakunami wañushka, chukririshá sakirishkakuna, kaypimi Ecuador llakta ayllukunapash kashkakuna.
Juan Fernando Flores kamachi killkak, Relaciones Internacionales y Movilidad Humana Minkarishkata pushakka kayshina willaykuna anchatami shustachin, wakllichin, llakichinpash nirka. Kay Chiriquí marka, Panamá llaktapimi, shuk antawan tawka llaktamanta ayllukunawan llakitukushka, kaypimi 39 ayllukuna wañushka shinallatak 26 ayllupash chukririshpa sakirishka.
Kay Relaciones Internacionales Minkarishka shinami Panamá llakta pushakkunanwan rimanakushkanchik Ecuador llakta ayllukuna shinallatak shuktak llakta ayllukunapash imashinalla kashkata riksinapak. Llakta pushakkunami pakta llamkashpa wasi ayllukunaman allikayta chayachichun kayachirka. "Kayka llaktamanta llukshina llakikuna tiyashpa ashtawanka llakipi urmashpaka, wakcha ayllukunatami llakichin, paktaykunaka mana allipimi wakinka urman" nirkami.
Shuktakpika, Mamallakta Tantanakuy, Biodiversidad Minkarishkata pushak, Washington Varela kamachi killkakka, 45 punchakunatami punkara llamkaypi kimirirkkuna shinallatak llamkanapak yuyaypaktarishkapipash rikunata charishkamanta taripashka llamkaywillayta riksichinkapak.
Shinaka, Decreto Ejecutivo No. 095 niki kay 07 puncha sitwa killa 2021 rurashkata anchuchishka, shuktakyachinapakmi rikurakurka shinallatak imshina mushukyanatapash rikuchirka, shinaka, kay Ley Orgánica de la Función Legislativa kamachiypi rikurishkata paktachishpa ruraykunaman chayanka.
Washington Varela runaka llaktapi, pakchipi rikuna charishkata yallishpa kay llamkaypi tukuy paktarishkata imashinalla paktashkata rikunapakmi mutsunchik shinallatak kayman ñawinchinaman chayamuchunpash shutikunata allichishkanchik nirka, paykuna, pakchita yachakkuna shinallatak punkara kullkillamkaypi kimirikkuna, chaymantami kay taripayta ashtawan allita riksinkapak pachakunata mirachichun mañarka.
Vanesa Álava kamachi killkak, kay yuyaymanta rimanapak katikminkaripi llamkak, kay taripayka achka hatun yuyaykunatami ñawinchikun nirka, kay llamkay paktanapak yuyarinakushka killkakuna shinata, yuyarinakushka killkata chimpapuranapi, punkara pukyuy mashna kawsanamanta, yuyarinakushka allikay paktashka, yuyarinakushka killka charina alli man allikashkata riksina, katipi llamkashka paktanapak wiñariy; yuyarinakushka killlkata pushakkunaman yanapay chanita chayachinapak shinallatak kamachiykuna, shuktakkunapash.
RSA/pv/cg-k/cg-k
Ashtawan shuyukuna:
