Kay Verdad, Justicia y Lucha contra la Corrupción Minkarishka 10 punchawanmi kay “El Gran Padrino” taripanata shinallatak llaktapak llamkaywasikunapi llakikuna tiyashka nishkata taripanapak charinka.
Chaypakka, Mamallakta Tantanakuymi, 108 ari apushitaywan ashalla pachakunapak minkarishkakuna llamkaywillayta chayachinapak mañashkata hapirkakuna.
Minkarishkata pushak, Viviana Veloz, paypak mañashkata riksichishpaka, 19 llamkayrimanakuytami charishkanchik shinallatak 40 waranka willay pankakunatami chaskishka, tukuytami riksina kanka.
Yallik 18 puncha kulla killa 2023 watami Mamallakta Tantanakuy shuk minkarishkata wiñachishpa ñawinchiyta shinallatak llaktay chaparaytapash paktachinapak mañarka, kay “El Gran Padrino” taripána 30 punchakuna ukupi paktanapak, willachishka punchamanta yupashpa, shinaka 23 puncha kulla killami, allinta killkashka llamkaywillayta tukuy riksishkakunawan shinalaltak mañashkatawanpash Mamallakta Tantanakuypi riksichun chayachinka.
Minkarishkakunaka pushakkunata akllashka shinallatak llamkanapak katikillata allichiska kipami, llaktapak llamkaywasi tawka pushakkunata, llaktapi pushakkunata, yachakkunata shinallatak kamakkunatapash chaskirka.
Minkarishka kay 17 puncha panchi killami, sukta ari shinallatak shuk mana apushitashkawanmi, kay tukuy taripaykunata paktanapak shinallatak puchukay llamkaywillayta chayachichunpash Mamallakta Tantanakuymi 10 punchakunata mirachinapak arinirkakuna.
HC/pv/cg-k
