Mamallakta Tantanakuyta pushak, Virgilio Saquicela Espinoza, kay kullka 23 puncha panchi killa, 09:00 pacha tutamantapakmi, kay No. 848 niki rimanakuyman kayachirka, kaypimi exministro del Interior, Patricio Carrillo runata Mamakamamachiyta shinallatak kamachiykunata mana paktashpa llamkashkamanta llaktay ñawinchiyta paktachinka.
Kay ñawiriyka Fiscalización Minkarishkapi allichishkata llamkaywillayta katishpami rimanakunka, huchachishkata shinallatak riksichiy willayta chayachishka kipami, kay llaktapak llamkaywasi pushak runaka kay 2022 wata raymi killa llaktayukkuna atirinakushkata sinchiyta llakipishkamanta shinallatak María Belén Bernal warmi wañushkamantapash, kay yallik 11 puncha kuski killa, kay Escuela Superior de Policía “Gral. Alberto Enríquez Gallo” awkakuna llakichina munaywan; chaymantami llaktay ñawinchiy kallarichun mañanchik.
Minkarishkakunaka nirkami llaktayuk ayllukunata chimpapuraypika ñawpa exministro Patricio Carrillo Rosero runapak llamkayta riksichik llamkayñanta mana katishpa llamkashkamanta shinallatak Chapak shinallatak Awka tantanakuykunapash ushayta mana alli paktachirkakuna, atirikkun ayllukanata sinchita llapishkamanta, wawakunata, yuyakkunata, kari warmitapash mana rikushpa tukuyta llakichishkamanta.
Shinallatak kay Casa de la Cultura Benjamín Carrión wasiman chapakkuna yaykuriyka kay Convención sobre la Protección del Patrimonio Mundial, Cultural y Natural de la UNESCO yuyarinakushka killkata wakllichiymi kan.
Shinallatak María Belén Bernal wañushkapi ruraykuna achka chishita chayashka nishpa, kay llakikunaka 11 kuski killami paktarirka, shinapash 14 chillay puncha 2022 watami Fiscalía shinallatak Policía Nacional tantanakuy. kay Escuela Superior de Policía wasiman yaykushpa tukuyta rikuy kallarirkakuna shinallatak, Alto Mando Policial pushakkunawan tantanakurka kaypi mashkayta; shinallatak, kallarinkapak, kipamanka 16 kuski killa 2022 watami kaypi yachachik shuk kuytsata taripanapak wichkachun mañarka.
PV/cg-k
