Kay Ley de Movilidad Humana kamachiy mushukyachina killka shamuk saywakunapimi Kamachiy Kipukmanmi Mamallakta Tantanakuy Llakta pushak allichinaman kachashkata allichishpa arinishka kipa chayachishka kanka. Kay kamachiyka ayllukuna purinakunatami pakta alli kachun, chaparashka kachun shinallatak sumaychashkapash kachun rikuranka.
Llaktapak shuti chayachishkata anchuchinapak shinallatak mana ninapak mañaykuna pakta katinatami sumaychanapak mashkakun, kayshina ni mayhan ayllukuna llakta illaklla ama sakirichun.
Ka kamachiy rurana killkataka Llakta pushakmi yallik 2 puncha panchi killa allichinapak chayachirka shinallatak kay Relaciones Internacionales Minkarishkami allichinaman kachashkata riksishpa rimanakurkakuna shinallatak llamkaywillaytapash allichinka.
Riksinallapak rurashka llamkaywillayka kay 3, 5 niki killkakunata kay kamachiypi ashkatawan achikyachinapakmi kan, kaypika mushuk killka ñawpa tiyashka hatun yuyaykunawan paktarichun shinallatak mamakamachiymantapash ama karuyachun shinami kamachiy rurana killkata riksichinapak rikuchirka, chaymantami Mamallakta Tantanakuyka, 111 ari apushitaywan shinallatak 3 mana apushitaywanpash, allichinapak rikuchishkata hapishpa arinirkakuna.
Shinallatak kay 19, 22 niki killkata allichinaman kachashkapika, llamkaywillayka LLakta pushka mana achikyachishka rikuchishka nin, shinallatak Mamallakta Tantanakuy arinishka killkawanka ista llaktamanta ayllukunatami ukllan, chayamantami kay killkata charishpa katinapak mañan, shinallatak Mamallakta Tantanakuyka 114 ari apushitaywan shinallatak 1 mana apushitashkawanmi hapirkakuna.
Fernando Flores kamachi killkak, Relaciones Internacionales Minkarishkata pushakka allichinaman kachashkata pakta alli rikushka kipami ishkay rikuchishka killkaka kamachiyta ashtawan achikyachinapak yanapan, shinallatak kayshukkunapash hapinapak mana pakta riksichinchu chaymantami mana shuktakyachina kan, nirkami.
FF/pv/cg-k
