Ecuador llaktapi makipurashpa llamkanapak shinallatak Ecuador llaktapi wankurishpa mintalakkunata chaparanapak maruta churana, mintalanapi llamkakkunata yanapashpa kuyuchinapak, utkashpa paktarinaklla rikuranata wiñachinapak kay llaktapi mintalay llamkay wiñarina ama harkarichun shinallatak kay llamkana wasikunapi ashalla kullkiwan kimirikkunapak hayñita ukllanapak, kay paktanakunatami Ley de Compañías para la Optimización e Impulso Empresarial y para el Fomento del Gobierno Corporativo kamachiy mushukyachina killkapi churashka yuyayku
Kamachiy rurana killkataka shamuk sayllakunami Kamachiy Kipuman willachichun chayachinka, Mamallakta Tantanakuypi llakta pushak allichinaman kachashkata rikushka kipa.
Kay kamachiyka wankurishka pushakkuna istallaktapi llamkachunmi alliyachin, chaymantami Ecuador llaktaka wankurishpa llamkay ashtawan allita paktarichun chaparakunka, kayshina llamkaykunawanka llaktami chimpapuraypi ñawpakman kanka.
Wilma Andrade kamachi killkak, kamuta riksichik, kay kamachiyka harkachik mañaykunatami anchuchin kayshina llamkaykullki chayamuchun shinallatak llamkaytapash wiñachinapak yanapan; kullkillamkay paktana hayñita sumaychan, shukllapi tawkapurapash, yanaparinapak, llaktayukpura sumaychanapak, pachamama yuyaykuna ukupipash; shinallatak, tukuyshina kullki llamkay paktashkata riksirin, kaykunapura: ayllu llaktakuna, tantarikuna, shukllapak llaktapak llamkaywasikuna, wankurikuna, wasi ayllukuna, wasipi rurakkuna, kikinmanta kallarichikkuna, chakrushkakunapash.
LLakta pushak 90 killkata allichinapak rikuchishka, 110 ari apushitaywan, Mamallakta Tantanakuyka 64 niki killkakunata shinallatak kamachiy ruranapak tukuy rikuchik killkatami hapirka.
Ashtawanka, 96 ari apushitaywan 26 niki killkakunata Mamallakta Tantanakuy kallaripi killkashkata shinallatak sakirka, shuktak rikuykunapika, uchilla tantarishka ayllukunata ukllan shinallatak allpa pacha tawka llaktakunapi riksishka wankurikunapash tiyashpa katinka.
BG/pv/cg-k
