Mamallakta Tantanakuy, 104 ari apushitaywan, Comisión de la Verdad, Justicia y Lucha contra la Corrupción que investigó el caso ‘El Gran Padrino’ taripanapak allichishka llamkaywillayta arinirka, kaypika Llakta Pushak, Guillermo Lasso runata llaktay ñawinchiyman kayachinapak mañan, llamkay paktanapi kunkarishka nishpa, kay Código Orgánico Integral Penal (COIP) kamachiypak 23, 28, 42, 422 niki killkakuna rikuchishkata katishpa paypak munaywan rurayta Mamakamachiypak 129 niki killka shinallatak 2 yupay killkapi paktarishkamanta.
Kay killkapika Llakta Pushakmi llaktapak ñawinchiyta taripaytapash harkana munay charirka nin, kay taripay paktanataka Mamallakta Tantanakuy shinallatak Kamak tantanakuymi paktachinatak karka, kay exsecretario Anticorrupción, Luis Verdesoto runa allichishka llamkaywillayta pakana munashkamanta nin, kay killkapika llakikuna tiyashka shinami rikurin nirka. Kutinpashmi LLakta pushakka Fiscalía General del Estado taripaypi harkarka, kaypika Ministerio del Interior tantanakuy 37 chapak taripakkunata Fiscalía tantanakuywan yanapakushkata shuktakman chikanyachishkata sakishkamanta.
Shinallatak Llakta pushakpash kay Ley Orgánica de Empresas Públicas kamachiypak wakichishka hatun yuyayta wakllichishka, kay Decreto Ejecutivo No. 163 killkawan, llaktapak llamkaywasikuna pushakkunata akllanapak kamayta allichirka, kayshina paktashkapika Mamakamachiyta wakllichishkami rikurin, Mamallakta Tantanakuylla paktarina ushaypimi kimirishka, nin.
Kay rimanakuypika 41 kamachi killkakkunami tukuy wankurishka llaktaymanta rimarirkakuna. Kay killkapika llaktapak llamkay wasikunapi llakikuna tiyashka shinami rikurin shinallatak llakta pushakpak kuchullapi llakichik wankurikunapash rikurishka shina kan nin, shinallatak kayta llakta pushak riksishpapish mana willashka, payka huchachinatakmi kan ninmi. Llakta pushak mana rikushkamanta shinallatak mana paktarishkamanta kay llakikunapi yanapashka shinami rikurin, COIP kamachiypika mana pakta kunkay nishpa riksin.
Kay killkataka Fiscalía General shinallatak Contraloría General del Estado tantanakuyman chayachishka kanka, paykuna paktashkapi rikuchun, shinallatak wanachina taripayta, pushayta ashtawanka imalla paktarina kashkata churachun, nin.
BG/pv/cg-k
Ashtawan Shuyukuna:
