Mamallakta Tantanakuyka kay kullka puncha, 12h00 sayllamantami Manabí markapi, Portoviejo kiti wiñarishka 488 wata paktashkamanta unanchashpa llamkanka.
Rimanakuyka Mamallaktapak wipala yaykushkawanmi kallarinka. Kipaka Portoviejo kiti wiñarishka 488 wata paktashkamanta willanka shinallatak Manabí markapak riksishka ayllukunata riksirishpa shuk unanchata chayachinka. Chay kipallatak Mamallakta Tantanakuyta pushak, Virgilio Saquicela Espinoza kamachi killkak rimarinka.
Ñawpamanka, 10h00 saylla, No. 823 niki rimanakuymi katinka, kaypika shukniki rimanakuypimi Ley de Salud Mental rurarina kamachiyta riksinkakuna, kaypika uma unkuyta utkashpa shinallatak harkanapak hampikunata, alliyachinatapashmi rikunka.
Ashtawanka, kaypika tukuy allikanapak, aycha alli kanapak, yuyaypi, riksinapi, kuyaypi, shinalaltak ayllukunapura kawsanapakpash allikanapakmi, kikin kawsaypi shinalltak llaktayukpura, llaktakunapipash kawsanapak.
Shinallatak hampirinapak hampikunatapash paktanapak sumaychana, ukllak llaktaywan, llaktapak shukllapak tantarikunamanta, kaykunami Mamallakta Tantanakuypak munayka kan. Ashtawanka, wañuyta, unkuyta, chikanyachayta harkanata shinallatak uma unkuy tisikuyayta harkanatami mashkakun.
Kay rimanakuykunaka “Bellavista Club” tantarina ukupimi, kay Av. Eloy Alfaro (Manta kitiman rina) kuskapimi paktarinka.
KC/pv/cg-k
