126 ari apushitaywanmi, Mamallakta Tantanakuyka Código de Ordenamiento Territorial, Autonomía y Descentralización (Cootad) kamachiy mushukyachina killkata arinirka, kaypika Marlon Cadena, Yeseña Guamaní, Ronny Aleaga, Peter Calo kamachi killkakkuna antapywpi purinaman kayachinapak yuyay chayachishkatami tantachishka; chikanyashpa llakta pushakkuna paktarinata allikachinkapak, llaktayuk kasiklla kawsayta willachinkapak; shinallatak, kitipi kawsak wiwakunata charishpa katinapakpash.
Llakta allpa wiñarinamantaka, kamachiyka allpata alli rakinapak shinallatak tupunalla paktaykunata charishpa pushanapak yanapan, GAD tantanakuykunata wankurishpa paktarinapak llamkaywasikunawan makipuranapak, tantanakunapak, shuktak paktanapakpash yuyarinakunaman kayachin.
Shinallatak llakta pushakkuna akllarinapakka kari warmi pakta pakta kanatami rikuranka. Ashtawanka, llakta pushakkuna llaktayuk akllashka kashkata imashina pushaymanta anchuchinatapashmi achikyachishpa riksichin.
Kiti pushakkuna shinallatak hatun kiti pushakkunapash Consejos de Seguridad Ciudadana tantanakuyta wiñachinka pushay ushankapash, kaypika Policía Nacional tantanakuy, llaktayukkuna shinallatak llakta kasiklla kawsanata rikuna charik shuktak tantanakuykunapashmi chaypikankakuna, llakta kawsanapak llaktayta wiñachinkapak, ruray paktarinapak, mayman chayashkata rikunkapakpash, harkanapak, ukllanapak, chaparanapak ruraykuna, llaktayukpura kawsaypash paktashkata riksinapak. Shinallatak llaktaykuna imalla paktashkata yachanapak riksinata wiñachinka, kitipi kawsak wiwakunata alli charinapakpash rikuranka.
Llaktayukkuna purinakunapak kayachishkamanta, Ley de Transporte Terrestre, Tránsito y Seguridad Vial kamachiy mushukyachinapi, antapiwpi purikkunata rikunamanta, paykunapak hayñikunamantapash, kitikuna, hatun kitipak GAD pushakkuna antapiwpi purinapak ñankunata allichichun mañan. Shinallatak kay Ruray pushakta, Ista Llaktaman mintalaktapash kikin llaktayta charichun yanapan kayshina llaktapi rurakkunata, ista llaktaman katunata, istallaktaman kayshina ashaya purinapak antawakunata apamushpa llamkay kullkipi kayachinapak yanapan.
Kamachiy rurana killkataka Llakta pushakmanmi rikushpa arinichun manakashapak imalla allichinata rikuchichun kayachinka.
BG/pv/cg-k
