Rumpawan alli pukllashkata riksishpa, Mamallakta Tantanakuyka Sociedad Deportiva Aucas wankuriman Vicente Rocafuerte unanchata kay 2022 watapi rumpawan pukllashpa mishashkamanta kararka, tukuy wiñaykawsaymanta kay kutinmi, 77 watakuna kawsashka kipami riksirin. Kayshinallatak, rumpawan pukllak tukuy ayllukunamanmi Mamallakta Tantanakuy yuyarinakushka killkata chayachirka.
Marlon Cadena, Jessica Castillo shinallatak Alejandro Jaramillo kamachi killkakkunami pukllayta rikuk ayllukunapi munanayta sinchiyachishkamanta kay pukllak wankurikuna kay watakuna llamkashkata riksichirka, wamrakuna wiñarinapi shinallatak llaktayukkunata yanapashpa llamkay paktashkatami riksirirka, kay ruraykunataka Naciones Unidas, UNICEF, ACNUR, FIFA yanapakun, ayllukunapak kawsayta ukllanapak, shinallatak wawakunapak kawsayta pukllaywan yanapanapakpash.
Kay yuyaymanta rimanakuypika, César Farías, Club Deportivo Aucas wankuriyta pushak, wamrarak pukllakkunaman rimarka, paykunaka "llaktapak akllashka pukllanamana mana tukuykuna chayay ushanchu, kallaripika alli shunkuyuk, kawsayta munak, hatun yuyaysapa llaktayuk kachunmi munanchik, nirka".
Mamallakta Tantanakuyta shukniki kipa pushak, Marcela Holguín kamachi killkakka kay rumpawan pukllak wankuritaka "llirpu llamkay wasimi, Ecuador llaktapi pukllayta wiñaypachapi riksichikmi" nishpa rimarirka. Nirkapashmi, ashtawanka, Aucas pukllakta katikkunaka, Ecuador llaktayukpak atirik shunkutami riksichin nirka, "ñankunapi llakikuna nitkarikuna tiyakpipash mana shayarinchikchu". Nirka, ashatawanka, llaktapi llakikunamanta kishpirinatami yanapan, Mamallaktachiy oakta yanapayta mana chayachikpi shinallata alli kawsay mana tiyakpika, nirkami. Rumpawan pukllayka pakta yachaywan, yanapaywan, shunkuwan kawsanata riksichin, nirkami.
Paymanta, Marlon Cadena kamachi killkakka kayshina ruraykuna tiyanami kan nirka. "Mamallaktaka chikanyashkata kichkiyachina shinallatak pantarishkatapash allichinami kan. Kayshina riksirishkawanka chikanyashkatami kimichin, munayllamanta mana kanchu, ashtawanpash, kamay tiyanapak shinallatak tukuy paktarinalla kashkata riksinapakpash", nirkami.
Paymanta, Jessica Castillo kamachi killkakka Club Aucas tantanakuy Quito kullasuyupakmi, katikkunaka "llamkayta wiñachik, mintalakkuna, Ecuador llaktapak kapak kiti kullasuyupi llamkakkunami kan", nirkami.
Puchukaypika, wañushkata yuyarishpa Vicente Rocafuerte unanchata chayachirka, Ecuador llaktapi rumpawan pukllaypi riksirishkamanta shinallatak pukllaypak hatun yuyayta sakishkamantami Gonzalo Pozo Ripalda runata yuyarishpa unancharkakuna. Kay karashkataka churi, Mauricio Pozo runami chaskirka.
Ashtawanka, Mamallakta Tantanakuymanta shuk yuyarinakushka killkata Patricio Lorenzo Machado runaman, Aucas tantanakuypak rimay kashkamanta, shinallatak Club Sociedad Deportiva Aucas tantanakuypak willachik kashkamanta chayachirka.
KC/pv/cg-k
Ashtawan shuyukuna:
