Mamallakta Tantanakuypi, 90 ari apushitaywanmi, Llakta pushak, Guillermo Lasso runata, kay El Oro markapi estado de excepción paktayta kay Machala, Santa Rosa, El Guabo, Pasaje, Arenillas shinallatak Huaquillas kitikunapi kallarichichun mañayta arinirkakuna, shinallatak llakichikta chimpapuranapak llaktayuk kasiklla kawsayta yanapanapak kullkita chayachichun mañarkakuna, kay El Oro marka llaktakunapimi kunan punchakunaka ancha llakikunami mirashpa shamushka.
Ashtawanka, Noemí Cabrera kamachi killkak mañay chayachishkapika Llaktapak llamkaywasikunata shinallatak llaktayukkunata shinallatak tukuy ayllukunatami, chapaykunapi, rikuykunapi, yachaywan llamkaypipash makipurashpa yanaparichun kayachin, mamakamachiy shinallatak kayshuk kamachiykunapash rikuchishkata paktashpa.
Chayshinallatak, Llakta pushaktaka kay El Oro markapak Consejo Provincial de Seguridad Ciudadana tantanakuyta llakichikkunata chimpapuranapak pakta llamkayta kallarichunmi kayachin, kay llaktapak llamkaywasikuna llakichiyta chimpapuranapak llamkayñan ruraykuna imashinalla ñawpakman katikushkata taripanka rikurankakunapash, kay willaykunatami tukuy El Oro marka ayllukuna riksichun ñawiriyshina riksichinkakuna.
Noemí Cabrera kamachi killkak, mañayta riksichishpa, kay El Oro markapika 2023 watapak kunan punchakunakama 125 ayllukunami wañushka rikurin, tantanakushka llakichikkuna mirarishpami kay llakta ayllukunapak kawsayta manchachishka shinallatak tukuy llaktayukkunapash paykunapak wasi ayllukunata ukllana yuyaywan kasiklla kanata mashkakun shinalaltak llaktayukpurapash makipurashpa kawsakunpash.
Aseguró que los robos, secuestros y actos delincuenciales en la provincia de El Oro han afectado radicalmente los derechos de la niñez y adolescencia y el principio del interés superior del niño en este sector del país ha sido vulnerado sobremanera, situación que ha vuelto insostenible el tener una vida en paz.
Kay El Oro markapi shuwaykuna, ayllukunata pakaykuna, shinallatak llakichiykunapash wawakunapak wamrakunapak hayñikunatami ashtawan llakichishka, shinallatak wawakunapak kawsay tukuypak ñawpakpi kana hayñipash wakllichishkami kashka, chaykunami kasiklla kawsanapak mana paktashina rikurin.
EG/pv/cg-k
Ashtawan shuyukuna:
