Punkara mintalashkamanta sakirishka kullkita hapinata kamana rikuranata, Mamallaktachiy chayachinata, punchan puncha mirachinata, Mamallaktapak Llamkaykullkita yachanapak, hampinapak paktachichun rikuranka, kaytami Código de Planificación y Finanzas Públicas para el Uso Adecuado de Ingresos Excedentarios Provenientes de la Explotación y Comercialización de Recursos Naturales no Renovables kamachiy mushukyachinawanka mashkakun, Mamallakta Tantanakuymi shukniki rimanakuypi riksirkakuna.
Kamachiy mushukyanapak mañayka yachaypi shinallatak hampinapipash hayñíkuna paktarichunmi achkata sumaychan, kaypika kay Producto Interno Bruto (PIB) yupaymanta 0,5% patsakta watan watan mirachishpa 6% patsakman chayankakama mañan; shinallatak, hampinapakka, 0,5 patsakmanta 4% patsak paktanakama watan watan mirachichun mañan, kashnami Mamakamachiy rikuchishkata paktanka.
Mireya Pazmiño, mañayta chayachik kamachi killkakka, yachay shinallatak hampinami llaktapak kallari yanapayka kanka nirka. Alli hampiyta charinapak hampina wasikunapi hampikuna illashka mana allichu kan nirkami.
Agregó que según datos del INEC, a julio de 2022, 195.000 niños y adolescentes abandonaron sus escuelas y colegios; y, alrededor de 85.000 jóvenes se quedaron sin cupo para acceder a educación superior.
Nirkapashmi kay INEC tantanakuypak yupaykunaka, sitwa killa 2022 watakama, 195.000 wawakuna shinallatak wamrakunami kallari shinallatak chawpi yachana wasita shitashpa llukshishkakuna; shinallatak, 85.000 wamrakunami sumak yachana wasiman mana yayakuna ushashpa sakirishkakuna.
Sukta kamachi killkakkunami rimarirkakuna, paykunaka Llakta pushakmanta kay hampinapi, yachaypi shinallatak ñankuna allichinapi kullkita mana pakta chayachishka nirkakunami. Istallaktawan yuyarishkamanlla kullkita chayachishka mana alli rikurin nirkakunami.
Ashtawanka, punkara mashka chaninata watapak llamkaykullki riksichik pankapi churanaka Llakta pushakpak ushayllami kan, nirkamikuna.
Kamachiy rurana killka shinalaltak rikuchishka killkakunapash Comisión de Régimen Económico Minkarishkaman chayanka, paykunami ishkayniki rimanakuypi riksinapak llamkaywillayta allichinkakuna.
BG/pv/cg-k
Ashtawan Shuyukuna:
