Mamallakta Tantanakuyka kay awkarik 21 puncha pawkar killapi ishkay rimanakuypimi llamkanka, kaypika mikunata ama shitanapak yanapak, shinallatak runa ayllukuna, llaktakunapak kamay pushaypi llakikunata allichinapak yuyaykunapimi llamkankakuna.
Llamkayka 10h00 pacha tutamantami 19 kamachi awlli runakunata unanchashpa kallarinka, kay ruankunami 30 wata yallita kay llamkaywasipi llamkashpa llaktayukta yanapashpa samana hayñiman kimirishkamantami riksinkakuna.
Chaypachallatakmi, Ley de Educación Superior kamachiy mushukyachina killkata ishkayniki rimanakuypi riksinkakuna, kay kamachiywanka wiñayta kunkashka runa ayllukuna, llaktakunapash pakta pakta, ayllupurayashpa paykunapak hayñita paktachichunmi yanapanka.
Kay rimanakuyka Comisión de Educación Minkarishkapi allichishka killkapi kimirishpami paktarinkakuna, kay killka allichinapakka llaktayukkuna, yachachik tatarikuna yachakukkunami allichinapak 200 rikuchishkata chayachirkakuna, kaykunatami killkata allichishpa tantachishkakuna.
Kay kamachiy rurana killkata ishkayniki rimanakuypi riksishpami mikuna chinkarinata harkanka, kay Ley de Sanidad Agropecuaria kamachiyta shinallatak shuktak kamachiykunatami mushukyachin, shinami pakalla apamukushka wakllirinalla mikunakunata wakcha ayllukunaman chayachinapak yanapanka.
Kay kamachiy rurana killkawanka kay mikuna kiwakuna fito, zoosanitarias tupukunata shinallata alli mikuna kashka riksichishka llamkaywillayta ruraykuna utkashpa paktachunmi rikuchin, pakalla apamukushkata hapishpa mikunakuna, utka utka, wakllirinalla ayllukunapakman chayachun yanapan.
Kay rimanakuyka Código para la Protección y Garantía de los Derechos Colectivos de las Comunas y Comunidades, Pueblos y Nacionalidades kamachiy rurana killkata shukniki rimanakuypi riksishpami puchukanka. Kay kamachiy rurana killkaka Mamakamachiypi shinallatak runapak hayñikuna istallaktawan yuyarinakushka killkakuna rikuchishka sapsi hayñikunata sinchiyachinka paktachichinkapash; shinallatak, runallaktakuna tawkapura kawsakkuna kari warmi runakunapak wiñaymanta chikanyachishka wankurikunapak hayñikunatapashmi ukllanka riksichinkapash.
Shuktak rimanakuy.
Kay No. 857 niki rimanakuyka 15h00 pacha chishipakmi kayachishka kan, kaypika Código Orgánico de la Función Judicial kamachiy mushukyachinapak killkatami shukniki rimanakuypi riksinkakuna, kay kamachiywanka Ecuador llaktapi kamay pushakan achiklla régimen jurídico paktarinatami riksichinka, shinnami Ecuador llakta ayllukuna mutsushkapi kutichinapak pakta chayachinka.
Ashtawanka, kamay pakta akllashkata sinchiyachinapakmi kan, chaypakka kamakkuna tiyarinapak ukuta wiñachishpa, chikanyashpa mamakamachiyta yachakkuna, wanachinata sumaychakkuna chaypi pakta kamachun.
Kay puncha llamkanapakka voceadores de Pichincha ayllukunaman unancha chayachinapashmi churashka, shinallatak runa kashkamanta millashkata shitarinapak shuk yuyarinakushka killka allichinapashmi tiyakun.
PV/cg-k
