Kamachiy Awlli wasipi ñawpakman katichun munaywan sinchita llamkashkamanta, Mamallakta Tantanakuyka 19 llamkak ayllukunatami, 40 watakuna yallita llamkashka kipa, hayñi samanaman paktarishkamanta yupaychayta chayachirkakuna.
Chayachishka yuyarinakushka killkapimi llamkak ayllukuna kunan puncha kay wasimanta chikanyakata munaywan llamkashkata sakishkamanta yupaychanchik, nirka.
Mamallakta Tantanakuyta pushak, Virgilio Saquicela runaka kay Kamachi Awlli wasipi llamkashkamantami tukuy ayllukunaman napayta chayachirka. "Kay wasipi tukuy llamkakkunami pakta alli yachakkuna kankichik, ashtawankarin samana pachakunaman kimirikkuna, Congreso Nacional paktarikuk pachakunaman llamkashpa shamushkankichik", nirkami.
Diego Lucero, kay Asociación de Servidores Legislativos (Asosel) tantanakuyta pushakka, kay watakuna llamkaywasipi pakta tukuy munaywan kari warmi llamkakkunata yupaychanchik. "Paykunami Mamallakta Tantanakuy tukuy paktaykunaman chayachun sinchita washaman llamkarkakuna", nirkami.
"Kay llamkaywasi ñawpakman katichun munaywan pakta pakta llamkaypi tukuy yuyayta sakishkata riksirishpami kaymanta anchurinchik", kashnami Lautaro Rodríguez, kamachi awlli nirka.
Kay watakuna pakta munaywan llamkashkamanta yupaychanchik: Susana Andrade, Dolores Angulo, Wilson Ayala, Pedro Barragán, Luis Bonilla, Janeth Cárdenas, Fausto Freire, María de Lourdes Espinoza, Hugo Garcés, Yadira Mendoza, Dora Mier, Enrique Moscoso, Martha Narváez, Manuel Palacios, Rosario Plúa, Juan Carlos Rivera, Lautaro Rodríguez, Jeanette Velázquez y Juan Carlos Yépez.
BG/pv/cg-k
Ashtawan shuyukuna:
