Kay Día Internacional de la Eliminación de la Discriminación Racial riksishka punchapi, 21 puncha pawkar killa paktarin, Mamallakta Tantanakuyka afrodescendiente, runa ayllukuna, yunka runakunata tukuyshina llakichiyta, shinallatak millashpa rimaytapash runa kawsayta, runakayta, wiñaykawsaytapash llaktapak shukllapak ayllukuna tantanakuypi wakllichinalla rikuriktami shitarirka.
Ashtawanka Llakta pushak, Guillermo Lasso runatami, Asamblea General de Naciones Unidas hatun tantanakuypi, Decenio Afrodescendiente: Justicia, Reconocimiento y Desarrollo yuyarinakushka killkata yanapayta paktachichun kayachirka.
Yuyarinakushka killkata uyashka kipami afroecuatorianos runakuna paykuna kawsashka riksichishkata llaktayuk uyana pachapi chaskirkakuna, paykunaka chikanyachishpa millaywan kikin hayñita wakllichirka nishpami riksichirkakuna.
Paola Cabezas kamachi killkak, yuyarinakushka killkapi tawka riksishkatami rikuchikun nirkami, kaypimi, shuk afroecuatorianos wamrarak runa kawsayllapikmanta, tsiknimantapash wañushkata riksichin, nirkami.
Ashtawan riksishka rikuchiy, kamachi awllipak ñawipika, afroecuatoriana, Jennifer Montaño runa warmi, wasi ayllukunapak kamak warmi kawsakuymi ashtawan llaki kan, paypak ushi 8 watayuk wawa, Guayawuil yachana wasipi millay kawsakuy, paylla afroecuatoriana warmi wawa kashkamanta.
Kamaka warmika kamay paktaymi illan ninmi, 90 punchakunami yallishka wanachiy mana chayanchu, chaykamama kaypak ushika wakllichishkami kawsakun, nin.
Karol Francis Bonis, “Mujeres de Asfalto” tantanakuyta pushakka, afro runa ayllukunapak hatun llakika paykuna yachayman mana paktariy ushashkami ancha llaki kan, shinaka 8 ayllukunami 100 afro ayllukunamanta yachayman mana paktarinkuna, nirkami.
"Kunan 21 puncha pawkar killaka Mamallakta Tantanakuy runa ayllukunawan llaktakunawanpash makipuray paktarina punchami kan kan; Chikanyashpa kawsay charikka anchurinami", nin.
Cabezas kamachi killkakka, istatsiknita, afrofobia, chikanyachik millaytapash makipurashpa chimpapuranapak kayachirka, paypak rikuypika kay llakikunami Esmeraldas markapi llakichikun nirka, kay llakikunata chimpapuranapakka kay runa ayllukunata ukllanapak llaktaymi illan nirka.
"Kawsaullapinaka wakllichin, llaktapak llamkaywasita yuyaytapash llakichin, runapura kawsaytapash shukyachishpa wakllichin", nirkami
Puchukaypika kay yuyarinakushka killkawan kawsayllapikta, tsikniktapash chimpapuranapak allichinapak yuyayta chayachichunmi tukuy huñullamkakunata kayachirka.
KC/pv/cg-k
Ashtawan Shuyukuna:
