Kay chaska puncha Consejo de Administración Legislativa wankurishkakuna Fiscalización y Control Político Minkarishkatami utkashpa pakta ruraykunawan Llakta pushakta llaktay ñawinchiy mana harkarishpa katichun shuk mañayta chayachinapak yuyarirkakuna kay mañayka Capítulo VIII, Sección IV de la Ley Orgánica de la Función Legislativa kamachiypi churashkata katinapak, kaypika Llakta pushakta shinalla llakta kipa pushakta llaktay ñawinchiyman chayachinamantami riman".
Shinallatak minkarishkata ashtawanka kay minkarishka pushaktami kamay paktachinapak chikan kamaykunata ashtawanka kay Ley Orgánica de la Función Legislativa kamachiypi rikuchishka shuktak kamachiyta kay llaktay ñawinchiy paktarinapak ama katichun mañarka. Chaymantami kay llamkayta ama harkachun, ama shayachichun shinallatak ima harkarinatapash ama churachunmi mañarkakuna.
Nirkapashmi, ñawinchinapak rikuchishka ruraykunata mana katikpika kamay paktarina shinallatak kamachipak hatun yuyaytami wakllichinka nirkakuna, shinallatak kay ruraykuna mana paktarikpika Ley Orgánica de la Función Legislativa kamachipi rikuchishkawan runakunata, minkarishkapi llamkakkunatapash taripanapash tiyanmi, nirkami.
Shinallatak Fiscalización Minkarishkata, ashtawanka Pushaktami, Mamakamachiypi rikuchishka hatun yuyaykunata chaparachun katichunpash mañarkakuna, shinallatak kay minkarishkapi yuyaypaktarishkapash tukuy minkarishkapi llamkakkunawan yuyarishka kachun ama shukkunalla munaypash kachun nirkami.
Ashtawanka, Unidad de Técnica Legislativa shinallatak Coordinación General de Asesoría Jurídica wankurikunatami, makipurashpa, Llakta pushakta llaktay ñawinchiy paktachiyta riksirachun mañarka, chaypakka Fiscalización y Control Político Minkarishkakunaka tukuy yanapaytami chayachina kan, ninmi.
Puchukaypika, llaktayukkunata, willachik antakuna, yachachikkunatapashmi, kay Fiscalización Minkarishkapi tukuy ruraykuna paktarishkata chaparanaman kayachirka, kayshina Mamakamachiypi shinallatak kamachiykunapi tiyakuk kamaykunata kamay paktarinatapash ama wakllichichun, nirkami.
PV/cg-k
