Mamallakta Tantanakuyta pushak, Virgilio Saquicela, kay Comisión de la Niñez Minkarishkata pushak, Pierina Correa kamachi killkakwanmi, kari warmi wawakunata shinallatak 16 watayukkama wamrakunatapash istallaktamanta kutichinata rikurak kamachiy rurana killkata chaskirkakuna.
Kay kamachiy rurana killkapika kamayta shinallatak mañaykuna, pushak maykama chayana shinallatak kamak runakuna tinkirinapash imashinalla paktarinatami riksichinka, shinallatak llaktamanta kanchaman kamachiykunawan yuyaykunawanpash tinkirinatami riksichin.
Kay kamachiy rurana killkataka Corte Nacional de Justicia, Ministerio de la Mujer y Derechos Humanos, Consejo de la Judicatura, Defensoría Pública, Ministerio de Relaciones Exteriores shinallatak Policía Nacional tantanakuykuna yuyaykunata tantachishpa rurashkami kan.
Kayshina killkata rurashpaka wamrarakkunata istallaktakunapi wichkapi utkashpa pakta pakta apamushpa Código Orgánico de Protección Integral de Niños, Niñas y Adolescencia kamachiyman kimichinapakmi yanapanka.
Kamachiy Awllita pushak Virgilio Saquicela, yachakkunata shinallatak tantanakuykunatapash kari warmi wawakunata shinallatak wamrakunatapash yanapanapak kay killka allichinapi pakta makipurashpa llamkashkamanta yupaycharka. Ashtawanka Mamallakta Tantanakuy llaktayuk kasiklla kawsachun hatun yuyaykunapimi llamkakunchik, nirkami.
Pierina Correa kamachi killkak, llaktayukta ukllak tantanakuykunawan llamkay may allimi karka ninmi, shinami Mamallaktachiymanta llaktayukpak hayñikunata paktachichinapak shinallatak kari warmi wawakunapak wamrakunapakpash hatun yuyayta ukllanapak llamkakunchik, nirkami.
"Shuklla munashkamanta kamachiyta mana ruray ushanchikchu ashtawanpash allukuna kawsayta riksishpami llamkana kanchik shinami kunanka paktarikunchik", nirkami.
Iván Saquicela, Corte Nacional de Justicia tantanakuyta pushakka, kay kamachiy rurana killkaka kari warmi wawakunata wamrakunatapash ukllarashpa istallaktamanta kutinyachinapakmi yanapanka, nirkami.
ES/pv/cg-k
