Mamallakta Tanatanakuy, 93 ari apushitaywanmi, kay Ley para Evitar la Destrucción de Alimentos, Ley de Sanidad Agropecuaria kamachiy rurana killkakunata ishkayniki rimanakuypi arinirkakuna, kay kamachiywanka pakalla apamukukpi hapishka wakllirinalla mikunakunata ama chinkachinapakmi mashkakun, kay kati hapishka mikunankunaka ayllukunata yanapak runakunaman chayachun, kaypi kawsakuk ayllukuna yanaparshpa katichunkuna.
Lucía Placencia kamachi killkakmi apushitanapak puchukay kamachiy killkata chayachirka, kaypika rimanakuykunapi yuyaychayachishkatami tantachishpa churashka kan, ashtawanka istallaktapi shinallatak kay llaktapipash kamay paktarinata rikunakuna shinallatak mana kullkita mañashpa apamukushpapish, karashkapak ranti, kaykunami kamachiy rurana killkapika churashka rikurin.
Kay kamachiy rurana killkata mushukyachishka kipa, Placencia kamachiy killkakka puchukay killkata apushitanapak mañarka, kaymanka 93 ari apushitayta paktarka. shinallatak 17 mana apushtashkapashmi killkarirka.
Kamachiy rurana killkaka mamakamachiywan, kamachiykunawan, uchilla kamachiiywanpash paktarinata rikuchin, kayshina mikuna chinkarikukta harkanapak shinallatak mikuna sumaychanata paktanapakpash yanapan, pakalla kipikuna apamukukta chaparak, charinata kichuk charirak awllikunawan yanaparinapak, kayshina ayllukunaman yanapayta chanachinata sumaychankapak, kamachiy katinata shinallatak imalla paktanatapash chaparanata mana washaman sakishpa.
Puchukay kamuka 16 niki killkata, Kunanllapak churashka shuk killkata, Mushukyachinapak chusku rikuchishkata, shuk Anchuchik killka, shuk Puchukay Rikuchishkata charin.
Mamallaktapi arinishka killkaka shamuk ishkay llamkay paktana punchakunami Llakta Pushakpakman rikuchun, arinichunpash chayachishka kanka.
EG/cg-k
Ashtawan Shuyukuna:
