Mamallakta Tantanakuypi chaypi kak tukuy 120 kamachi killkakkunapak ari apushitaywan, kay Ley Orgánica de Incentivos a la Pesca Artesanal kamachiy rurana killkapak 1, 2 niki killkata kallaripi killkashkata shinallatak arinirkakuna, Llakta pushakmi allichinami nishpa rikuchishka karka, kay kamachiytami Kamachiy Kipukman willachishka kachun chayachinka.
Mamallakta Tantanakuypak 863 niki rimanakuypi, Verónica Herrera kamachi killkak, Soberanía Alimentaria y Desarrollo del Sector Agropecuario y Pesquero llamkaykillkata riksichik nirkami, Llakta pushak, Guillermo Lasso Mendoza, kay 1,2 niki killkata anchuchichun mañashkapika, kay Ley de Incentivos a la Pesca Artesanal kamachiywan mashkakushka paktaywan waktarinmi, kaypika chalwata makiwan hapishpa llamkaktami sumaychanta mashkakun, kay georreferenciada tupu willayman yaykushpa.
Kay georreferenciada willayta chayachishkawanka allimi mamakucha charishkata ashtawan alli rikuranka paktarinkapash. Shinallatak, kay willayka mashna chakita churanapakmi mutsurin, nishpaka, maypitak chalwata hapina tiyashkata hapinatapash yachanapak, kay tukuywanka ñawpakmanmi mashna chanikuna churanata riksichin
Nirkapashmi kay willayka hatun mutsushkami kan, yakupi kawsayta shinallatak chalwakuna hapinapipash yanapanka, shinami makiwan chalwata hapishpa llamkakkuna paykunapak llamkaypi ashtawan sinchiyanka.
Rimanakuy
Rimarik chusku kamachi killkakkunaka Mamallakta Tantanakuy 1, 2 niki killkata kallaripi killkashka shinallatatak sakinapak nishpa yuyaypaktarirkakuna, kaywanmi kay Ley Orgánica para el Desarrollo de la Acuicultura y Pesca kamachiypak 3, 14 niki killkapak 14 yupay killkata mushukyachinapak yaykurin, shinami georreferenciada willayta kimichinapak mañaypash achikyan, shinallatak yakupi llamkashka chalwata hapinapak mashna chaninatapash riksichinkakuna.
Kay willayka makiwan chalwata hapishpa llamkaktami anchata yanapanka, shinami chalwata maypi hapina tiyashkata yachankakuna shina alli llamkayta charinapak. kay georreferenciada willayka mana mañashkachu kan, mutsushka, Chalwata hatun hapikkunaka, paykunaka kikinman antanikichiktami maypi ashtawan chalwa tiyashkata rikunapak charinkuna, nirka.
Killkakamayuk ukumanta, kay Ley Orgánica de Incentivos a la Pesca Artesanal kamachiy rurana killlkata allichishka kipa, Mamallakta Tantanakuypi arinishkata katishpami kay Kamachi Kipuman chayachinka, paykunami llaktayukman willachinkapash.
EG/cg.k
Ashtawan shuyukuna:
