Miguel Pesántez, Mamallakta Tantanakuyta llamkachikuk, chimpapuray wañuy paktarishkamanta sukta killapi llamkashkata riksichirka. "Ashalla ayllukunawan shinallatak ashalla kullkiwanmi pakta pakta llamkashpa shamushkanchik shinami kay 20 puncha sasi killapi Mamallakta Tantanakuypak shukniki rimanakuy paktchun allichikunchik", nirkami.
Llamkak awllika, willachikkunawan rimanakuypi nirkami, ashalla ayllukunaka tukuy mutsurishkapimi llamkashpa paktarishkakuna llaktakullki kamakwasi llamkaykullkita ashayachishkamanta. "190 ayllukunwanmi llamkashkanchik paykunaka 137 kamachi killkakkuna paykuna charikushkata allichiypimi paktrishkakuna; 20 yalli minkarishkakuna, 24 Casas Legislativas charishkatami killkaypaktarishkakuna, shinallatak tawka wasikunami llamkay illakpi arinsata chayachina paktashkamanta wichkarirka", nirkami.
Ashtawan nirkami, kay wasikunamanta charishkatapash anchuchishpa Mamallakta Tantanakuyman apamuna paktarka, kay ruraykuna paktashkatami llamkaywillaypi killkashpa llaktayukman shinallatak mushuk pushakkunamanpash riksichishun.
Pesántez runa willachikwan rimanakuypi ashtawan apushitaywa charik kimsa kamachi killkakkunawan chikan chikan, riksirichik pankata chayachinapak pachakunata rimanakushkapimi Mamallakta Tantanakuypak kallari llamkayka 20 puncha sasi killa, 10h00 tutamanta kallarinapak paktarishkata yuyachirka.
Shinallatak Kamachi killkakkuna paykunata yanapak ayllukunata llamkaypi kallarichinapak llamkaykullkipash arinishkami karka, llaktakullki kamakwasi pushakwan rimanakushka kipa. Llamkanapak arinishka kullkika pichka hunu chawpi dólar kullki paktami arinishka kan, nirkami.
Ikay
Shuktakpika, Miguel Pesántez runaka, ikaypash kutin kutinmi churashka kan shinallatak kunapi llakta kawsakuyta rikushpa mushuk paktarikunatami purichikun.
Nirkapashmi Llata pushak, Daniel Noboa runata llamkaypi kallarichinapakka paypak llamkakkunawan shinallatak kipapushak Verónica Abad, runawanpash rimanakushkanchik shinallatak pushakkuna shuktakyanapak rikuna charik llamkawasikunawanpash.
Miguel Pesántez runapakka llamkaypi kallarichina pachaka, 1 puncha kapak killapakmi churashka shinapash shuktakyay ushanmi, Consejo Nacional Electoral tantanakuyman rikunapak mañaykuna mana tiyakpika, shinapash paktaykuna yallishkata rikushpami katishun.
Willaykunawan rimanakushka kipaka, Llamkachik runa, willachikkunawan tantallami, Salón Plenario Nela Martínez wasi ukuman chayarkkakuna. Kaypika kamachi killkakkuna paykunapak ruka unanchata riksichishpa curul electrónica llikata kallarichinata rikurkakuna.
Paymantaka, coronel Francisco Zumárraga, Escolta Legislativa wankurita pushak, kallari rimanakuy puncha imalla ikay paktarina charishkatami willarka.
RSA/pv/cg-k
