Kay chaska 17 puncha sasi killa 2023 wata, 10h00 pacha tutamantami, Kamachi Awlli wasi ukupimi Mamallakta Tantanakuypak kallari rimanakuy paktarinka, kaypimi pushakkunata, Consejo de Administración Legislativa (CAL) tantanakuypi llamkaktapash akllanka paykunaka 2025 watakamami paktarinkakuna.
Kay kallariniki rimanakuytaka ashtawan apushitay chaskishka charik kamachi killkakkunami pushanka, paykunami pushakkunata, kati pushakkunata killkakamayuktapash akllankakuna.
Kay Ley Orgánica de la Función Legislativa kamachiy rikuchishkata katishpaka, 137 kamachi killkakkunami pushakta, shukniki kipapushakta, ishkayniki kipapushakta shinallatak CAL wankuripak chusku rimariktapash akllanka, kay puchukay kamachi killkakunaka chikan chikan wankurimantami kankakuna.
Pushakkunaka tukuymanta chawpi yalli apushitaywanmi aktarinakuna, shinaka 70 pakta apushitay.
CAL wankuri paktarinakuna
CAL wankurika Kamachi Awlli pushaypi hatun wankuriymi, paykunaka kamachi rurana killkakunata riksinka shinallatak mayhanta kallaripi rikunapakmi churankakuna; Kamachiy Awlli watallamkay kullkita allichinka arininkapash, llaktay ñawinchiynapak mañashkapi mutsurishkata riksishpa arininkakuna; wanarikushkata kawsaymanta kunkarinapak shinallata kishpichinapak mañashkata rikunka tukuy mutsushakta riksinkapash; shinallatak kamaymanta kamachi killkakkuna ashlla pachapak anchurikpi, kamachi killkak katikkunata shinallatak washaman katikkunatapash kallari llamkayman kayachinka.
Shuktak llamkaymanta rikukpika, paykunami Kamachiy Ayllipi llamkana ñanta allichinka shinallatak Tukuy paktarinata arinina, ashtawanka Mamallakta Tantanakuy pakta llamkanapak mutusurishka uchilla kamachiytapash arininkakuna; shinalaltak, pakta alli llamkay pakta, achikla, utkachik kachun yuyaypaktarinakunapash.
BG/pv/cg-k
