Mamallakta Tantanakuyta pushak, Henry Kronfle, kay shamuk inti puncha, 16h00 pacha chishipakmi, Mamallakta Tantanakuyta pushak kayachirka kaypimi wiñaypak yachak minkarishkakunata shinalla Ética Mminkarishkatapash wiñachinkakuna.
Kay Ley Orgánica de la Función Legislativa kamachiypak 23 niki killkata katishpa, Mamallakta Tantanakuypa kallariy rimanakuy kati rimanakuypi, Kamachi Awllika wiñaypak yachak minkarishkatami arininkakuna, kaypika pakta pakta kamachi killkakunami tantarinkakuna shinallatak tukuykunami chaypikanka, Mamallakta Tantanakuyta pushaklla mana kimirinka.
Minkarishkakuna wiñarishka kipami kayachishkawan rimanakuy kallarinka kaypika kallaripi akllashka kamachi killkakmi rimanakuyta kallarichinka, kaypimi chikan chikan pushakkuna akllanka, shuk kari warmi pushak, kari warmi kipa pushakpash.
Shuk minkarishkapi llamkak kamachi killkakka shuk llamkaypak minkari tiyakpi paktariy ushanmi. Tukuy kamachi killkakkunami rimariy ushanka, shinapash mana apushitankachu shuktak minkarishkakunami, kay minkarishka pushakwan willashpami paktarinka.
Wiñaypak yachak minkarishkakunaka kaykunami: Justicia y Estructura del Estado; Derecho al Trabajo y a la Seguridad Social; Régimen Económico y Tributario y su Regulación y Control; Desarrollo Económico, Productivo y la Microempresa; Relaciones Internacionales y Movilidad Humana; Biodiversidad y Recursos Naturales; Soberanía Alimentaria y Desarrollo del Sector Agropecuario y Pesquero.
Shinallatak, Gobiernos Autónomos, Descentralización, Competencias y Organización del Territorio; Educación, Cultura, Ciencia, Tecnología, Innovación y Saberes Ancestrales; Derecho a la Salud y Deporte; Transparencia, Participación Ciudadana y Control Social; Garantías Constitucionales, Derechos Humanos, Derechos Colectivos y la Interculturalidad; Soberanía, Integración y Seguridad Integral; y, Protección Integral a Niñas, Niños y Adolescentes.
Kayachishkapika, Ética Minkarishkapash tantarinka, kay minkarishkapika pichka kamachi killkakmi paktarinka, shukllanchishpa akllashkakuna, Mamallakta Tantanakuypak chawpi yalli kamachi killkakkuna arinishka, akllayka kari warmi shinallatak kawsaypura kakta rikurashpa wiñachinka, tawka wankurimanta kamachi killkakunawanmi paktarinkakuna.
PV/dg/cg-k
