Kay 20 niki killka, 1 yupaypi, Mamakamachiypak 144 niki killkapi millka killka ukupi rikuchishkawan makipurachishpami, Llakta pushanapak akllarishka, Daniel Noboa Azin runaka, kay kullka 23 puncha, sasi killa, Mamallakta Tantanakuypi llakta pushanata chaskinka.
Kay hatun raymipak, 11h00 pacha tutamantami kayachishka kan, kaypika Llaktata kipa pushak, Verónica Abad Rojas warmipashmi llamkaypi kallarichishka kanka.
Pachapuriy
Mamallaktapak Wiphala yaykushka kipa shinallatak Ecuador llaktapak hayllita takishka kipai Mamallakta Tantanakuyta pushak, Henry Kronfle Kozhaya rimanka.
Chaypachallata, Mamallakta Tantanakuyta pushakka Daniel Noboa runapak iñiyta chaskishpa Ecuador llakta pushanapak llamkaypi kallarichinka shinallatak Sillwik unanchatapash apachinka.
Kay Orden Nacional Al Mérito en el Grado de Gran Collar unanchataka Relaciones Exteriores y Movilidad Humana Llaktapak llamkaywasi pushakmi chayachinka.
Puncha llamkanapak churashkapika, Decreto Presidencial killkata riksichina shinallatak shuti aspinapashmi tiyakun, kaywanmi Daniel Noboa Azín runaka Ecuador Mamallaktata pushanapak kamashka sakirinka.
Chaypachallatakmi, Mamallakta Tantanakuyta pushak, Henry Kronfle Kozhaya, Ecuador llaktapak kipapushak, Verónica Abad Rojas runata iñikta chaskishpa llamkaypi kallarichinka.
Kipaka Kamachi Awllipak wasi ukumanta, Guillermo Lasso Mendoza shinallatak Alfredo Borrero Vega llaktata ñawpa pushak, kipapshakpash llukshinkakuna.
Puchukay llamkaypika, Ecuador llakta pushak, Daniel Noboa Azín runaka llaktayukpak rimanka.
Kay raymika San Francisco de Quito kitipak hillayta takishpa, Mamallaktapak Wiphala shinallatak pushakkunapash llukshikpimi puchukanka.
RSA/pv/cg-k
