Tukuykuna makipurashpa shuyakushka Ecuador kasiklla, wiñarik shinallatak kacharishka llakta charinapakmi llamkaymanmi Mamallakta Tantanakuyta pushak, Henry Kronfle Kozhaya kamachi killkakka, Daniel Noboa Azín, Llakta mushuk pushakta, kay pushay chaskina raymi ukupi kayachirka.
"Ecuador llaktaka achiklla shamuk pachakuna charishkatami pakta yuyani, llaktayuk chaypi kana, kasiklla kawsana, llamkay wasi pakta kanapash alli rikisirishka kachinmi munani; tukuyta ukllak llakta wakchakunata yanapachun shinallatak pakta alli yuyaypash kay kullki charishka ñawpakman kashkata hamuktachun", nirkami.
Mamallakta Tantanakuyka alli llaktata wiñachinapak mañayta shinallatak yuyaytapash charishkatai rimarirka, chaymantami tawka wankurikuna chikan yuyay charishpapish, paykuna chikan kashkata chaparashpa yuyaypaktarinapak tantarishkakuna, llakta pushak Ecuador llakta wiñarinapak llamkayta pushachun.
"Rimay pakta kashkata kutin charina, chimpapuray rimanakuytapash yuyaykunawan hatunyachishpa mana kaminakusha, mana llakichishpami paktana, Mamallaktami wankurishkakunapak llamkaypak, llaktay yuyashkapak ñawpakpi kana kan", nirkami.
Rimariypika, Ecuador llaktapi ruraykunata shinallatak pakta llamkayta, shuk sinchi kullkillamkay llikawan charina mutsurishkatami sinchita rimarka. Llaktapash kullkillamkaypi, mintalaypipash sinchiyachichun shinallatak riksishka charinakunata katunapak ukllachun shinallatak ashtawan allichichunpash pakta kimirinaman mutsurishkata kutinpashmi kayachirka; shinallatak, llamkay wasikuna, llakta wiñarinapak, charishpa katinapak, mushukyanapak, kullki churanapak, charikkanapak, llamkay wiñachinapakpash kuyuchik antakuna kachunmi kayachirka.
Puchukaypika, llaktaka kaymanmi kutinyana kan "Ecuador llaktaka wakcha achka ayllukunaman kikin kawsayta tikrachichun ama yupayllapi kachun pakunaka pushakkuna akllanallapi ama rikurichun", nirkami.
BG/pv/cg-k
Ashtawan shuyukuna:
