Mamallakta Tantanakuyta pushak, Henry Kronfle Kozhaya, kay Orgánica de la Función Legislativa (LOFL) kamachiypak 12 niki, 3 yupay killkapi rikuchishkata katishpami, tukuy kamachi killkakkunata kay 873 niki rimanakuyta kutin kallarinkapak kay 29 puncha, sasi killa, 09h30 pacha tutamantapak kayachirka, kaypimi Comité de Ética minkarishkapi llamkakkunata shutichinka.
Kay LOFL kamachiypika, Comité de Ética minkarishkapika pichka llamkakmi shutirishka kanka nin, shukllanchishpami Mamallakta Tantanakuy chaypi kak kamachi killkakkuna arinishka apushitaywan akllarinakuna, kari warmi paktarinata rikurashpa, tawka wankurimanta kamachi killkakunapuramanta. Shuk akllashka runallapash ashalla kamachi killkakta charik wankurimantami akllashka kanka.
Kay Comité Minkarishkapika Consejo de Administración Legislativa wankuriypi llamkakukkuna, wiñaypak minkarishkata pushakkuna, kipapushakuna; shinallatak, Fiscalización Minkarishkapi llamkakkunapash.
Kaypi minkarishkakunaka wanachishpa llamkaymanta llukshichinapak mashkata riksinapak yuyaypaktarinapakmi tantarinkakuna, shinaka, paykunamantaka mana paktariy ushankachu. Comité minkarishkaka Mamakamachiypi shinallatak Orgánica de la Función Legislativa llakichiymanta rikuchishkata riksishpa paktarinapakmi kan.
Paykunapak llamkay paktarinapika, huchachishkata chaskishpa, kamachi killkak imapi kamachiyta wakllichishkatami riksinkakuna; shuk mañaykunawan llamkaywillaytami Mamallakta Tantanakuypi rimanakuyman chayachinka, kaypi riksishpa yuyaypaktarichunkuna; shinallatak, Mamallakta Tantanakuy ukupi allikay achiklla llamkaypash pakta kanata rikunka mañankakunapash.
RSA/am/cg-k
