Kay Orgánica de la Función Legislativa kamachiypak 12 yupay, 9 niki killkapi rikuchishkata paktashpa, Mamallakta Tantanakuyta pushak, Henry Kronfle Kozhaya, kamachi killkakmi Xavier Mauricio Torres runata Contralor General del Estado llamkaypi kallarichirka.
Llamkaypi kallarichiyka Consejo de Participación Ciudadana y Control Social tantanakuy, 7 puncha sasi kila 2023 wata, Torres Maldonado runata shutichirka, llaktayuk minkarishka akllay paktashka kipa, llaktayukkunapura yachashkawan mishanakuyp akllarishka kipa.
Contralor General del Estado pushak, Mamallakta Tantanakuy llamkaypi kallarichishka kipamanta, pichka watatami llamkanka, Corte Nacional kishpichishkami kan shinallatak Mamallakta Tantanakuy llaktay ñawinchiyman kayachishka kayushanmi.
Mauricio Torres runaka kay Contraloría tantanakuyka llaktapi llamkaykuna achiklla paktarinatami wiñachinka nirkami shinallatak llakta charishkata allincha chaparanka, shinallatak llakta wiñarinapak paktanapak churashkamana chayanka. Llaktapak charishkata ñawinchinapak alli llakta pushayta charinapakmi Kutinpash arinirka, shinallatak hatun rimanakuyta charinapak shinallatak llaktata ñawpakman pushanapakmi kayachirka.
Mamakamachiyta paktachishpa, Contraloría General tantanakuyka yachak llamkaywasimi, llakta tukuy charishkata chaparankapak shinallatak Mamakamachiy paktanapak churashkaman chayankapak shinallatak shukllapak llamkaywasikuna llaktapak kullkiwan llamkakkuna.
Kay tantanakuyka llaktapi llamkakta wasikunata ukumanta kanchamantapash ñawinchiy paktarinka, shinallatak llaktapak llamkaywasikuna paktarishkata ukumanta chapanka shinallatak shukllapak llamkaywasikuna llaktapak kullkiwan llamkakpipash chaparanka; pushaypi llakikunata shinallatak llaktayukta huchachishkata ashtawanka wanachinapak paktarishkatami riksichinka, pushaykuna shinallatak chaparana mana pakta rikurikpi, shinallatak Fiscalía General del Estado tantanakuypash kikinmanta taripayta kallariy ushanka; shinallatak, llamkayta paktanapak kamachiykunata katinka, shuktak paktana ruraytapash llamkanka.
PV/cg-k
Ashtawan shuyukuna:
