Kay Consejo de la Judicatura Tantanakuyta pushak, Wilman Terán, Mamallakta Tantanakuyman chayamushpa, Henry Kronfle, Mamallakta Tantanakuyta pushakman, kay Ecuador llaktapi kamayta shinchiyachinapak shinallatak llakichiyta chimpapuranapak tawka kamachiykunata mushukyachinapak yuyaykunata chayachirka.
Terán runaka Mamallakta Tantanakuy pushakta kay hatun llamkayman paktarishkamanta napashka kipa, llaktapika llakichiykuna mirashkami shinallatak kayta kutichinapak kamachiykunawan paktarina kan, llaktayukta yanapanapak, nirkami.
Nirkami kay yuyaykunaka tawka mutsuhillaykunami, Código Orgánico de la Función Judicial yuyaykuna chayachishka, tawka shuktak kamachiykunamanta, tantarishpa llakichiyta chimpapurankapak shinallatak wallpaywan waktarikun shinaka tukuy llamkaywasikuna kikin paktarishkapi llamkachunmi yanapanka, kikin ushayta paktachishpa.
Mamallakta Tantanakuyta pushak, Henry Kronfle, Shukniki Kipapushak, Viviana Veloz kamachi killkakwan, yuyaykunata chaskirka shinallatak, kay yuyaykunataka pakta paktami riksichun nirkami.
"Mamallakta Tantanakuyka tukuy yuyaykunata chaskinapak shuyakunmi ashtawankarin kay Mamallaktachiypak hatun wasimanta ashtawan llakikunata riksikkuna, shinaka, yuyaykunata paskanka shinallatak ima ñanta katinapak achikyachinka, kayshina llaktapi ancha llaikuna tiyashkata pakta chimpapuranapak", Kronfle kashnami nirka.
RSA/pv/cg-k
