Tawka wankurikunamanta shutikunawan, kari warmi chayanata rikurashpa shinallatak tukuy kamachi killkakuna arinishkawanmi, Mamallakta Tantanakuyka Comité de Ética Minkarishkata wiñachirka..
Jajhaira Urresta (RC); Lucía Jaramillo (PSC); Nicole Saca (ADN); shinallatak, Pedro Velasco (IND) kamachi killkakkunami Comité Minkarishkaman shutirirkakuna, paykunaka 100 apushitay yalli ari nishkata paktarkakuna. Pichkaniki minkariktaka kaya, 09H00 pacha tutamanta, No. 873 niki rimanakuypimi
Shutikunataka Adrían Castro kamachi killkakmi chayachirka, payka kay Comité minkarishka paktanata shinallatak chaypikanatami rimarirka, chaymantami tawka wankurimanta kimirina kan makipurashpa llamkankapak nirka.
Kay Orgánica de la Función Legislativa (LOFL) kamachiypika, Comité de Ética minkarishkakunaka llamkaymanta llukshichinapak huchachishakta riksinapak shinallatak yuyaypaktarinapallami tantarinkakuna, shinaka, paykunamantaka mana llamkay ushankachu.
Paykunapash Mamakamachiypi shinallatak LOFL kamachiypi rikuchishka llakichiykunapi urmakpi riksinapak ushayta charinkuna.
Kamachiy Awllipak paktarinakunaka mayhan kamachi killkak harkashkapi urmakpi huchachishkata, riksinapak, taripay kallarinapak ushaytami charinkuna; shuk hapinapak llamkaywillayta allichinka Mamallakta Tantanakuypi tukuykuna riksichun shinallatak yuyaypaktarichunpash; shinallatak, Mamallakta Tantanakuy ukupi ética, achiklla llamkayta charinapak yuyaykunata chayachinka, rimarinkakunapash.
RSA/pv/cg-k
