Mamallakta Tantanakuyka, Quito llakta 489 watakuna wiñarishka paktashkamanta Hatun Raymi tantanakuywanmi sumaycharka. Mamallakta Tantanakuyta pushak, Henry Kronfle Kozhaya, Quito llaktapimi rikunchik makipurushpa llamkayka usharishkata, yuyaykuna, kawsaykuna, tawkapurakunapak hawapi tantarishpa ñawpakman katina usharinmi, tukuykunami Ecuador llakta ayllukuna kanchik; tukuykunami killu, ankas, puka kanchik.
Ashtawanka, Quito llaktawan shinallatak tukuy Ecuador llaktawanpash arinishpa llamkakuni nirkami, mana shaykushpami tukuykunapak rimarishka uyarichun llamkakuni nirka; tukuy ayllukuna ñawpakman llukshinkapak pakta yanapayta chaskichun, llamkay sinchiyashkatapash chimpapurachun shinallatak paktashkamantapash kushiyachun, nirkami.
Quito llakta shinallatak Ecuador wiñarikuk llaktata alli kaktapash wiñachinapak kayachirka. "San Francisco de Quito, shuyupi may sumak kashkata yallishpa, ñukanchik wiñaykawsaypak unancha, kawsaytarpuy shinallatak Ecuador llaktayuk kashkata riksichikmi, Quito llaktata hatunyachikka, ayllukunami kan: sumak shunku, llamkak, uyak shinallatak munashkata paktak runakuna, pay ayllukunami punchanta kikin kawsaypak shinallatak shamuk ayllukuna kawsaypakpash sinchita llamkankuna", kashnami Henry Kronfle, nirka.
Paymantaka, Quito kiti pushak, Pabel Muñoz, Mamallakta Tantanakuytami kikin llamkaywan shinallatak wankurishkakunawan yuyaypaktarishkawanpash, ñawpakman katinapak kutinpash llamkanapak kayachirka, kaypika Llaktapak llamkaywasikunaka kikinmanta llamkashpa kamaypi ama llaktay yaykuchun shinallatak llaktaypi ama kamay yaykuchunmi kayachirka.
Paypak llamkay paktashkata riksichirka: kasiklla kawsayta paktanapak sinchitami makipurakunchik nin; llaktayukta ukllanapakka wawakunata rikushpa shinallatak warmikuna wakllichiyta anchuchishpa shinallatak yuyay ayllukunata rikurashpami llamkakunchik; shinallatak kullkiirayta wiñachinapak kayachikunchik, llamkayta mirachishpa kay Metro antashinawan.
Kay Fundación de Quito wiñarishkamanta riksichiypika, kitimanta yachak, Alejandro López Valarezo runa, wiñarishkata yuyarinaka ñukanchik kitipak kawsayta riksinami kan, kay 1534 watapi paktashkata yuyarishkalla mana kanchu, ashtawanka shuk kawsak purikuk ukun kawsayta charik llaktata shina. "Ñukanchik wiñaykawsayka shuk mana kuyurik yuyayka mana kana kanchu, ashtawanpash kutinpash wiñachina kutinpash ñukanchik kawsay punchamanta mushukyachina kayshna Quito llaktapak mushuk wiñaykawsayta mirachinkapak, paykuna charimushkata sumaychankapak shinallakta shamu pachakunapi paktanatapash ukllankapak" nishpami wiñaykawsayta riksichikka puchukarka.
Mamallakta Tantanakuyta pushakka Shuk Riksirishpa Kushiyashka yuyarinakushka killkata,shinallatak Mamallakta Tantanakuymanta Dr. Vicente Rocafuerte unanchatami Municipio del Distrito Metropolitano de Quito llaktapak wiphalaman chayachirka.
Yuyarinakuy Raymika Fuerzas Armadas shinallatak Policía tantanakuy pushakkuna, Pichincha marka pushak, llaktapak llamkaywasi pushakkuna shinallatak Quito llakta kunankkunapash.
RSA/pv/cg-k
Ashtawan shuyukuna:
