Tawka llamkay rimanakuy kipami, kay kullka puncha, 11h05 pacha tutamanta, Mamallakta Tantanakuy hatun rimanakuypi kay Gestión Integral del Riesgo de Desastres kamachiy killkata apushitayman chayachinka, kay kamachiywanka llamkayñanta allichinka, llaktaykunatapash llakikunamanta, pachamama waklliriymanta, hatun unkuykunamanta, llakta unkuykunamantapash rikunapami yanapanka.
Kashnami No. 874 niki rimanakuyman kayachishkapi tiyakun, Mamallakta Tantanakuyta pushak, Henry Kronfle Kozhaya, mañashkamanta.
Kay Soberanía y Seguridad Integral Minkarishkapimi kamachi killkakkuna yuyay chayachishkata allichirkakuna shinallatak Mamallakta Tantanakuypak hatun rimanakuyman apushitachun chayachinapak puchukay killkatapash arnirkakuna.
Kay killkapika ñukanchik llaktapi llakiyanata rikunapak shinallatak yanapaywan paktanapakpash tawka ruraykunami tinkirina kan: tawka llakiyanalla tiyan; llaktayukkuna wakllirinallapi kawsakunkuna, nin.
Ashtawanka, pachamamapi ayllukuna kawsayta wakllichiyka hatunmi; ñawpa pachakunapi kawsashkata rikurashpa, llakikunata pakta chimpapuranapak; llakikuna mayllapi rikurinata mana alli rikukunchik, llakikuna rikurikpi pakta yanaparinapak, kutichinapak shinallatak alliyachinapakpash; shinallatak llakta pushay, wasi ayllukunata ukllaymi irki irkilla rikurin, nin.
RSA/pv/cg-k
