Mamallakta Tantanakuyta pushak, Henry Kronfle, kay awkarik puncha 10h00 pacha tutamantapak 876 Niki rimanakuyman kayachirka, kaypimi Mamakamachiy mushukyachinata riksinapak shuk yachak minkarishkata wiñachinapak yuyaypaktarinkakuna. Puncha llamkanapika Orgánica de Gestión de Identidad y Datos Civiles kamachiy rurana killkata arinapakpashmi churashka.
Puncha llamkanapika, Mamallakta Tantanakuypimi Yachak Minkarishkata wiñachinapak riksinata shinallatak yuyaypaktarinatapash llamkankakuna kaypika Ecuador llaktapak Mamakamachiyta ashallata mushukyachinapak killkakunata riksinkakuna. Chaymanta, kay Consejo de Administración Legislativa (CAL) wankurishkaka Mamallakta Tantanakuytami shuk yachak minkarishkata wiñachinapak mañayta chayachiy ushan.
Chay pachallatakmi Gestión deI dentidad y Datos Civiles kamachiy rurana killkata ishkayniki rimanakuypi riksishpa kallarinkakuna. Kay mushukyaywanka llaktayukta pakta alli yanapayta chayachinapakmi, Corte Constitucional yuyarinakushka killkata kutinkapak kay tutela judicial paktarishkata mamakamachiy hayñiwan paktarinkapak, mañay chayachishka pakta katishka kachun, runakayta shinallatak kikinyaytapash kacharishpa wiñachinkapak.
Kay mushukyachina killkawanka Dirección del Registro Civil, Identificación y Cedulación tantanakuy paktarinatami sinchiyachinka; kullkiwan wanachinata anchuchin, kikinyari panka mushukyachina pachakuna yallikpi kulkiwan wanachinata, shinallatak llaktayukkunapash llaktapak llamkaywasikunapi mañaykunata mana rurana usashkatami anchuchin, kay mushukyaykuna paktanatak pachakuna mana rikunalla kashkamanta.
Shinallatak yaya mamalla nakashpaka yaya mamapash ishkantak wawata shutichinapak allinta rikuchin, shinallatak istallakta ayllukuna kikinpa pasaporte iñik pankata allli charikpi rikunapakpash kimichin.
Shinallatak, kamachiy mushukyachiypika panka killkakuna shina kay zirmakillkakuna, llikamanta hapishka willaykuna, pash paktarichunmi allichin, llika tantarishka willaykuna, zirma shuti aspiy, shinallatak zirmapi tukuy wakichishka willaykuna, kashkakuna kay kamaywan rikushka kanka.
Ishkayniki rimanakuypi riksinapak llamkaywillayta allichina ñawpaka, Mamallakta Tantanakuy, yachak minkarishkawanmi, Cuenca, Manabí, Zamora Chinchipe, Loja, El Oro, Azuay, Bolívar, Cañar, Morona Santiago e Imbabura markakunapi llaktayukunawan rimanakurka, kaypimi kamachiy ruranapak killka yuyaykunata chaskirka. 127 ayllukuna, tantanakuymanta, llaktapak llamkay wasimanta, mamakamachiymanta yachakkuna, riksik ayllukuna, kimirishka tantanakuykunami kay kamachiy allichinapak chayarkakuna.
PV/cg-k
