Mamallakta Tantanakuypi 119 ari apushitaywan kay Gestión de Identidad y Datos Civiles kamachiy mushukyachinata arinirkakuna, shinami llaktayukta yanapay ashtawan allikachun mashkakun, Corte Constitucional tantanakuy mañashkata paktashpa, llaktayukpak kikin shutita hayñiwan paktachinkapak.
Tukuy arinishka killkata Garantías Constitucionales Minkarishkaman kachashka karka, kay 19 niki killkata chikanyachishpa, kaypika kari warmi shinallatak kari warmi illakkuna, wakchakuna, rakirishkakunapash wawakunata kikinyachinamanta riman.
Patricia Mendoza kamachi killkak, kay kamachiy rurana killkata riksichik, Minkarishkakunaka pichka kamu killkatami kimsa hatun yuyay charikta tantachirka: Corte Constitucional tantanakuy yuyaypaktarishka hapinatak willayta kaypika shuk transexual ayllu kikin munashkamanta kikinyarik pankapi willayta mushukyachina mañashkata arinapak rikuchin; Kati shutita ishkay watata charishpa shamushkamanta kikinyachinamanta; shinallatak Consejo Nacional Electoral tantanakuypash shutikuna shuktakyakpi paykunapak killkata mushukyachina, kay Dirección de Registro Civil, Identificación y Cedulación tantanakuy willashka killkawan paktarichishpa.
Kamachi killkakka kikinyarik pankapi shutita shuktakyachiy ushanmi nirka shinallatak mushukyachishka kamachiywanka shutikunata tantachiy ushanmi nirka. Shinallatak katikshutitaka charishpa shamushkamanta shinallatak mayhan kallaripi rinamantami riman; shinallatak katik shutikunatapash allichiy ushanmi nirka.
Rimanakuypika, Paola Cabezas kamachi killkakka Mamallakta Tantanakuy kay kamachiy rurana killkata Declaración Universal de los Derechos Humanos killka allichishka 75 watakuna paktakukpi rimanakuyman chayashka allimi nirka, shinallatak yuyachirkami ay Corte Constitucional tantanakuyka transexuales ayllukuna kikinkayta shuktakyachinata rikurachun mañarka, nirka.
Kamachiyka Corte Constitucional tantanakuy mañashkatalla mana paktachinchu, ashtawanpash mamakamachiy rikuchishkawan paktrin, kashnami Cecilia Baltazar kamachi killkak nirka.
Chaykamaka, Sofía Sánchez kamachi killkakka Mamallakta Tantanakuypi wiñaymanta chikanyashka kawsakuk ayllukunata yanapanapak munay tiyanmi kayshina llakichiyta, chikanyachiyta shinallatak kumuychitami chikanyachinka. Shinallatak nirkapashmi kay kamachiytak Mamakamachiypak 68 niki killkata mana shuktakyachinchu, nirka.
Pierina Correa kamachi killkak kay kamachiy rurana killkapak 19 niki killkapika "maymantapash, wawakunata kikinyachinapak kari warmi paykunalla kawsak, wakchakuna, rakirishka ayllukunapash ushanmi" nirka, kay killka Mamakamachiywan paktarin.
Shuktak yuyaykunapika, Lucía Posso kamachi killkakka 11 yuyaykunatami allichinapak rikuchishkanchi kaykunaka kallari killkaypak, killkarishkapak shinallatak kutin allichinapakpashmi tawka yuyaykunata chayachiskanchik; María Mercedes Erbs kamachi killkakka katik shutikuna shuktakyachinamanta; shinallatak, Pedro Velsaco kamachi killkakka GAD tantanakuyman paktarina chayachik killkata anchuchinapak mañarka, ashtawanpash Mamakamachiy wawakuna kikinyachinapak rikuchishkata sumaychachun mañarka.
AM/pv/cg-k
