Llamkayta utkashpa sinchiyachinkapak, manu kullki tantachinata mirachinkapak shinallatak kullkimirayta kallarichinkapak paktanakunami kay Eficiencia Económica y Generación de Empleo kamachiypi tiyakun, kullkimanta utkashpa rurana nishpa chayachishka, shukniki rimanakuypak chayachishka llamkaywillayta Mamallakta Tantanakuy ukupi riksirkakuna.
Valentina Centeno, kay Desarrollo Económico Minkarishkata pushakka, llakta pushakpak tawka mushukyay llamkanapa shuk mañaymi kay, kaywanmi llaktapi kullkimanta llakita allichinapak yanapanka nirka. Achikyachishpa nirka, llamkayta wiñachinapika, llamkak wasikunami Impuesto a la Renta manu kullkita ashallata chayachinka 18 watamanta 29 yatayuk ayllukunata llamakanapak kayachikpika. Ashtawankarin yanapayka mirankami llaktapak yachana wasipi yachayta tukuchishka ayllukunata kayachikpika.
Kay kamachiy rurana killkapash LLaktapk shukllapak llamkaywasikuna makipurashpa kullkimirayta sinchiyachinapak hillayta wiñachin, kayshina llaktapak Zonas Francas llamkaywasikunata allinta tantachishpa sinchiyachishpa wiñachinkapakpash, ista llaktakuna rikuchishkata katishpa kayshna kullkillamkayta kamaywan paktarishka kachun. Ashtawanka,manu kullki tantachinata kay llaktapi illashka kullkita paktanapak sinchiyachinata rikuchin.
Rimanakuypika 18 kamachiy killkakkunami rimarirkakuna, paykunaka chaskishka manu kullki mayman chayana achiklla kanapakmi yuyaykunata chayachishpa niki killkakkunata sinchiyachirka, shinallatak llamkay wiñachishka llamkaykunapash 45 yalli watayuk ayllukunata shinallatak shukllapak yachana wasipi yachay tukuchishka aylukunatapash mana chikanyachina kan, hatun manu kullki chayachikkunawan mana haktariyman chayana, chaparay hayllikunata sinchiyachina manu kullki chayachinamanta ama pakatukuchunkuna, shinallatak paktall ayllukunaman kullki kutichinata kishpichina; shuktak yuyaykunapash.
Mamallakta Tantanakuyta pushak, Henry Kronfle, rimanakuyta wichkashka kipa, Desarrollo Económico Minkarishkami Mamallakta Tantanakuypi tantachishka yuyaykunata allichinka, shinami ishkayniki rimanakuypi riksinapak llamkaywillayta allichinkakuna.
Kallaripika, LLaktayukkunata chaskishpa, Mamallakta Tantanakuypika César Pérez, plataforma de condonación de deudas wankurimanta shutirishkata chaskirka, payka llamkaywasikuna chikan chikan llaktay churashkamanta shayarishpa kullkillamkayta wakllichishkata rimarka shinallatak kay ayllukunaman kullkichayachina kipayashkata kishpichichun mañarka.
BG/pv/cg-k
