74 ari apushitaywan, Mamallakta Tantanakuyka Fiscal General del Estado pushak, Diana Salazar, llamkakushkata ukllankapak, paypak llamkayka tukuy llakichinapak wankurishkata chimpapuranapakmi, kay taripaypi tawka riksinakunata tarishka.
Ashtawanka, kamayta tukuymanta kuyuchishpa, mamakamachiypi rikuchishka yanapay paktarinata mana alli hapikushkata shitarirka. Wanachinapak taripayka achikllata, pakta pakta shinallatak allinta rikushpami tukuy huchachishkata riksinka kan. Shinallatak kay taripaymi katikuk Fiscal, kamakkuna, chapakkuna, riksikkunatapash tukuymanta manchachisha nishkata shitarirkami.
Kay yuyaypaktarishkawanka, Llakta pushaktami mamallaktachiymanta shuk wankurishka chapakkunata chayachichun mañarka kayshina tukuy taripakushkata shinallatak taripakkunapak kawsaytapash ukllankapak.
Rimanakuypika, yuyarinakuy killkata mañak Jorge Peñafiel Cedeño nirkami, Fiscal General del Estado pushakka wankurishpa llakichiktami chimpapurakun, Kamak paktachik tantanakuy tukuy chinkarishka rikurishkamanta. LLaktapak llamkak runata kayshina paktarikukpi Mamallakta Tantanakuymanta yanapanami kanchik, wanachina taripaymanta anchurishpa, nirkami.
Chaymantami, kay Metástasis taripayta pushakukkunata utkashpa katichun shinallatak alli riksishpa llamkachunmi kayachirka, kayshinawankurishpa wakllichikta sinchita chimpapuranapak
Leonardo Berrezueta kamachi killkakka tukuykuna makipurashpa llaktapi llakita shinallatak umachinkachiy mintalayta chimpapuranaman kayachirka. Chaykamaka, Carla Cruz kamachi killkakka llakichik ayllukuna kamak ayllukunawan yuyarinakuy tiyashka nishpa shitarirka.
Sofía Sánchez kamachi killkakka kay yuyarinakushka killka shuk wiphalata napayllapi ama sakirichun nirkami. Chaymantami, llakichiywan shinallatak uma chinkachiy mintalaywan chimpapuranapak llamkayñanta allichichun mañarka. Kay llamkaypika, Mamallakta Tantanakuyta pushak, Henry Kronfle kamachi killkak CAL wankurita Justicia Minkarishkapi 39 kamu killkakunata tantachichun mañarka, kaywanka Código Orgánico Integral Penal kamachiyta llakta kasiklla kawsanapak yanapachun mushukyachinapak yuyachishpa arinirka.
Blasco Luna kamachi killkakka llaktayukka kasiklla kawsanata mashkakun nirka, kunanpika 100 ayllukunamanta 40 ayllukunami llakichishkapi wañun, nirka.
AM/pv/cg-k
Más fotografías:
