Mamallakta Tantanakuyta pushak, Henry Kronfle kay chillay puncha, 10h00 pacha tutamantapak kay No. 884 niki rimanakuyman kayachirka, kaypika Competitividad Energética kamachiy rurana killkatami shukniki rimanakuypi riksinkakuna, kullkimanta utkashpa rurana nishpa akllashka kamachiymi, shinami zirma illayta chimpapuranapak hillayta wiñachishpa yanapanka, kullki illayta allichinapakpash zirmata wiñachishpa yanapankapash.
Kay rimanakuyka Desarrollo Económico minkarishkapi allichishka llamkaywillaywanmi paktarinka, kay killkataka llaktayukmanta, llakta pushakkunamanta, wankuri pushakkunamanta, yachakkunamantapash 37 kamu chayachishkata tantachishpa allichishkami, rikushka shinallatak yuyaypaktarishkami.
Kay kamachiywanka llaktapak kullkitami zirmata ayllukunaman, shinallatak shukllapakpash alli tukuchinapak mashkakuna.
Kamachiy rurana killkawanka, Mamallaktachiymi shuklla llamkaywasiman , istallakta llamkaywasiman, llaktayukpak tantanakushka llamkaywasiman zirmapi llamkanapak minkay ushanka, akllay paktariman yaykushpa, kay yanapayta llaktapak llakaywasikuna shinallatak shukllapak llaktawan llamkak wasikunapash llamkaypi mana paktarikpi. Kay llamkaykunaka Plan Mestro de Electrificación llakayñanta paktarinapakmi kan.
Shinallatak mutsushka llamkaykunata paktarinapakka shukllapak llamkana wasikunaman llamkayta minkay ushanka, chaypakka llaktapak llamkay wasi rikuna charikmi llaktayuk riksishkapi akllanka.
PV/cg-k